«Գրանցված է»
ՀՀ արդարադատության
նախարարության կողմից
18 օգոստոսի 2010 թ.
Պետական գրանցման թիվ 50410315
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԳԵՂԱՐՔՈՒՆԻՔԻ ՄԱՐԶՊԵՏ
29 հուլիսի 2010 թ. N 320-Ն
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶՊԵՏԻ 2007 Թ. ՆՈՅԵՄԲԵՐԻ 30-Ի ԹԻՎ 289-Ն ՈՐՈՇՄԱՆ ՄԵՋ ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի, ՀՀ Նախագահի 1997 թ. մայիսի 6-ի ՆՀ-728 հրամանագրի 1.6-րդ կետի դրույթներով և հիմք ընդունելով Հայաստանի Հանրապետության կառավարության 2010 թ. մարտի 18-ի թիվ 244-Ն որոշումը՝
Որոշում եմ`
1. Հայաստանի Հանրապետության Գեղարքունիքի մարզպետի 2007 թ. նոյեմբերի 30-ի «Հայաստանի Հանրապետության Գեղարքունիքի մարզպետարանի ենթակայության տակ գտնվող պետական ոչ առևտրային կազմակերպությունների և հարյուր տոկոս` պետությանը սեփականության իրավունքով պատկանող բաժնեմաս ունեցող փակ բաժնետիրական ընկերությունների գործադիր մարմինների ընտրության /նշանակման/ մրցութային հանձնաժողովի և ատեստավորման հանձնաժողովի ձևավորման կարգերը հաստատելու մասին» թիվ 289-Ն որոշմամբ հաստատված թիվ 1 և թիվ 2 հավելվածներում կատարել հետևյալ լրացումը և փոփոխությունը`
1) 5-րդ կետերում «-2 թեկնածու՝ մարզպետարանի ենթակայությամբ գործող համապատասխան ոլորտի կազմակերպություններից» բառերից հետո լրացնել «-1 թեկնածու ՀՀ վարչապետի ներկայացուցիչ
- 1 թեկնածու հասարակական կազմակերպության ներկայացուցիչ» բառերը.
2) 5-րդ կետերում «5 անդամից» բառերը փոխարինել «7 անդամից» բառերով։
Մարզպետ Ն. Պողոսյան