ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՊԱՅՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 սեպտեմբերի 2010 թվականի N 1265-Ն

ՊԱՅՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Սահմանել, որ`

1) «Պետական գնումների գործակալություն» պետական ոչ առևտրային կազմակերպության և «Սոգրեա Կոնսուլտանտս ՍԱՍ» ընկերության միջև 2009 թվականի սեպտեմբերի 30-ին կնքված` Երևան քաղաքի ջրամատակարարման և ջրահեռացման համակարգերի բարելավման ծրագրի իրագործելիության ուսումնասիրության, Երևան քաղաքի խմելու ջրի համակարգի բարելավման և մաքրման ծրագրի աջակցման ծառայությունների N ՄԲԾՁԲ-09/9 գնման պայմանագրի (այսուհետ` պայմանագիր) ֆինանսավորումն իրականացվում է Հայաստանի Հանրապետության կառավարության և Ֆրանսիայի Հանրապետության կառավարության միջև 2008 թվականի մայիսի 27-ին կնքված ֆինանսական արձանագրությամբ նախատեսված միջոցների հաշվին.

Պայմանագրով նախատեսված նախագծային ուսումնասիրությունների ծառայությունների ամբողջ ծավալով մատուցման վերջնաժամկետ է սահմանվում 2011 թվականի օգոստոսի 30-ը, իսկ աշխատանքային պայմանագրերի կնքման համար ծառայությունների (մրցույթների կազմակերպում, հայտերի գնահատում, աշխատանքային պայմանագրերի ստորագրության աջակցություն) մատուցման վերջնաժամկետ է սահմանվում մրցույթների արդյունքում աշխատանքային պայմանագրերի կնքումից հետո 30-օրյա ժամկետը: Ընդ որում, պայմանագրի ժամկետի երկարաձգման արդյունքում` 2009 թվականին չմատուցված ծառայությունների դիմաց կատարողի նկատմամբ չեն հաշվարկվում և գանձվում պայմանագրով նախատեսված տույժերը և տուգանքները:

(1-ին կետը խմբ. 30.12.10 N 1752-Ն)

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության

վարչապետ Տ. Սարգսյան

2010 թ. հոկտեմբերի 4

Երևան