040.0526.25.08.98
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
25 օգոստոսի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 օգոստոսի 1998 թվականի N 526
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՍԵՊՏԵՄԲԵՐԻ 6-Ի N 286 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Երևանում բնակչության հատուկ սպասարկման բաժին ստեղծելու նպատակով Հայաստանի Հանրապետության կառավարությունը որոշում է`
1. Հայաստանի Հանրապետության կառավարության 1996 թվականի սեպտեմբերի 6-ի «Հայաստանի Հանրապետության արդարադատության նախարարության քաղաքացիական կացության ակտերի գրանցման տարածքային բաժինների մասին» N 286 որոշման մեջ (Հայաստանի Հանրապետության կառավարության 1998 թվականի մարտի 17-ի N 182 որոշման խմբագրությամբ) կատարել հետևյալ փոփոխությունն ու լրացումները`
ա) որոշման 3-րդ կետում «152» թիվը փոխարինել «154» թվով.
բ) որոշմամբ հաստատված` Հայաստանի Հանրապետության արդարադատության նախարարության քաղաքացիական կացության ակտերի գրանցման տարածքային բաժինների ցանկը լրացնել հետևյալ բովանդակությամբ նոր` 57-րդ կետով.
«57. Երևանի բնակչության հատուկ սպասարկման բաժին քաղ. Երևան».
գ) որոշմամբ հաստատված` Հայաստանի Հանրապետության արդարադատության նախարարության քաղաքացիական կացության ակտերի գրանցման տարածքային բաժինների հաստիքային միավորների հաշվարկման նորմացույցների ծանոթագրությունը լրացնել հետևյալ բովանդակությամբ նոր` 4-րդ կետով.
«4. Երևանի բնակչության հատուկ սպասարկման բաժնի համար սահմանել 2 հաստիքային միավոր»:
2. Երևանի բնակչության հատուկ սպասարկման բաժնի 2 հաստիքային միավորը սահմանել ի հաշիվ Հայաստանի Հանրապետության քաղաքաշինության նախարարության կենտրոնական ապարատի աշխատողների թվի կրճատման:
3. Հայաստանի Հանրապետության ֆինանսների և էկոնոմիկայի նախարարությանը` 20-օրյա ժամկետում Հայաստանի Հանրապետության կառավարություն ներկայացնել առաջարկություն Երևանի բնակչության հատուկ սպասարկման բաժնի պահպանման ծախսերի վերաբերյալ:
4. Երևանի քաղաքապետին` Երևանի բնակչության հատուկ սպասարկման բաժինն ապահովել համապատասխան տարածքով և գույքով:
5. Սույն որոշումն ուժի մեջ է մտնում 1998 թվականի օգոստոսի 25-ից:
Հայաստանի Հանրապետության
վարչապետ Ա. Դարբինյան