ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
17 հունիսի 2011 թվականի N 876-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՓԵՏՐՎԱՐԻ 24-Ի N 280-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2011 թվականի փետրվարի 24-ի «Հայաստանի Հանրապետությունում 2011 թվականի եգիպտացորենի արտադրության զարգացման ծրագիրը հաստատելու և սերմերի ներմուծումը թույլատրելու մասին» N 280-Ն որոշման մեջ կատարել հետևյալ լրացումները և փոփոխությունները`
1) որոշման 3-րդ կետը լրացնել հետևյալ բովանդակությամբ նոր` 3-րդ և 4-րդ ենթակետերով.
«3) ներկրված եգիպտացորենի սերմացուից 1,45 տոննա «Սերմերի գործակալություն» պետական ոչ առևտրային կազմակերպության միջոցով տրամադրել «Արզնու տոհմային ԹՏԽ» բաց բաժնետիրական ընկերությանը` կնքելով համապատասխան պայմանագիր.
4) «Սերմերի գործակալություն» պետական ոչ առևտրային կազմակերպության միջոցով ապահովել ծրագրով սահմանված պայմաններին համապատասխան «Արզնու տոհմային ԹՏԽ» բաց բաժնետիրական ընկերությանը տրամադրված եգիպտացորենի սերմացուի դիմաց գանձվող գումարների հավաքագրումը և փոխանցումը Հայաստանի Հանրապետությունում 2010-2014 թվականների ցորենի սերմնաբուծության և սերմնարտադրության զարգացման ծրագրի իրականացման գործընթացի ապահովման համար բացված նպատակային հաշվին:».
2) որոշման հավելվածի 9-րդ կետը «Վայոց ձորի» բառերից հետո լրացնել «Կոտայքի» բառով.
3) որոշման հավելվածի 12-րդ կետում «Սերմացուն» բառը փոխարինել «Մարզին տրամադրված սերմացուն» բառերով.
4) որոշման հավելվածի 13-րդ կետը շարադրել հետևյալ խմբագրությամբ.
«13. Սերմացուն կբաշխվի ըստ մարզերի` հետևյալ չափաքանակներով.
Մարզը Գործակցով հաշվարկված կշիռը
(տոննա)
Արագածոտն 4,7
Արարատ 9,825
Արմավիր 14,548
Լոռի 11
Կոտայք 0,15
Սյունիք 1
Վայոց ձոր 1
Տավուշ 19,327
Ընդամենը 61,55
»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Տ. Սարգսյան
2011 թ. հուլիսի 6
Երևան