«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
3 դեկտեմբերի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
3 դեկտեմբերի 1998 թվականի N 766
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻՆ ԵՐԱՇԽԻՔ ՏՐԱՄԱԴՐԵԼՈՒ ՄԱՍԻՆ
Հայաստանի Հանրապետությունում փոքր և միջին ձեռնարկատիրության զարգացման համար արտոնյալ վարկեր ներգրավելու պայմաններ ստեղծելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության կենտրոնական բանկին Հայաստանի Հանրապետության կառավարության պահուստային ֆոնդի հաշվին տրամադրել 6 մլն գերմանական մարկ գումարի երաշխիք «Կրեդիտանշտալտ Ֆյուր Վիդերաուֆբաու» կազմակերպության և Հայաստանի Հանրապետության կենտրոնական բանկի միջև ստորագրված «Փոքր և միջին ձեռնարկատիրության զարգացում» ծրագրի շրջանակներում վարկ ստանալու նպատակով:
2. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության արդյունաբերության և առևտրի նախարարությանը Հայաստանի Հանրապետության այլ շահագրգիռ նախարարությունների հետ համատեղ ստեղծել հանձնաժողով և Հայաստանի Հանրապետության կառավարություն ներկայացնել առաջարկություններ Հայաստանի Հանրապետության կենտրոնական բանկի կողմից` Հայաստանի Հանրապետության կառավարության տրամադրած երաշխիքների հիման վրա օտարերկրյա պետություններից և միջազգային կազմակերպություններից ստացված վարկային միջոցների տեղաբաշխման արդյունավետության նկատմամբ վերահսկողություն իրականացնելու վերաբերյալ:
3. Սույն որոշումն ուժի մեջ է մտնում հրապարակման պահից:
Հայաստանի Հանրապետության
վարչապետ Ա. Դարբինյան