Գլուխ 2 · ԱՊՐԱՆՔԱՅԻՆ ՆՇԱՆԻ ԳՐԱՆՑՈՒՄԸ
Հոդված 14. ԱՊՐԱՆՔԱՅԻՆ ՆՇԱՆԻ ԳՐԱՆՑՈՒՄԸ
Հոդված 14. ԱՊՐԱՆՔԱՅԻՆ ՆՇԱՆԻ ԳՐԱՆՑՈՒՄԸ
Գերատեսչությունը, ապրանքային նշանը գրանցելու մասին որոշման հիման վրա սահմանված տուրքի վճարման անդորրագիրն ստանալուց հետո, մեկամսյա ժամկետում, ապրանքային նշանը գրանցում է ապրանքային նշանների գրանցման Հայաստանի Հանրապետության պետական մատյանում (այսուհետ մինչև սույն մասի ավարտը` գրանցամատյան): Գրանցամատյանում գրանցվում են ապրանքային նշանը, դրա սեփականատիրոջ մասին տեղեկությունները, ապրանքային նշանի առաջնության և գրանցման թվականները, այն ապրանքների ցանկը, որոնց համար գրանցված է ապրանքային նշանը, և գերատեսչության կողմից հաստատված այլ տեղեկություններ, ինչպես նաև դրանց հետագա փոփոխությունները: