«Գրանցված է»
ՀՀ արդարադատության
նախարարության կողմից
21 հուլիսի 2011 թ.
Պետական գրանցման թիվ 05011348
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
9 հուլիսի 2011 թ. թիվ 177-Ն
Ո Ր Ո Շ ՈՒ Մ
2010-2011 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկը որոշում է.
1. 2011 թվականի օգոստոսի 25-ից շրջանառության մեջ դնել «Ֆուտբոլի արքաները» հուշադրամների շարքից «Միշել Պլատինի» արծաթե հուշադրամը:
2. Հաստատել սույն որոշման 1-ին կետով սահմանված հուշադրամի նկարագրությունը, որը հուշադրամի ուրվագծերի հետ մեկտեղ ներկայացված է Հավելվածում (կցվում է):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՀՀ կենտրոնական
բանկի նախագահ Ա. Ջավադյան
2011 թ. հուլիսի 12
ք. Երևան
Հավելված
Հաստատված է
ՀՀ կենտրոնական բանկի խորհրդի
2011 թվականի հուլիսի 9-ի
թիվ 177-Ն որոշմամբ
ՆԿԱՐԱԳՐՈՒԹՅՈՒՆ
1. «Միշել Պլատինի» հուշադրամի նկարագրությունը
Հայաստանի Հանրապետության կենտրոնական բանկը «Ֆուտբոլի արքաները» միջազգային դրամագիտական ծրագրի շրջանակում թողարկել է 100 դրամ անվանական արժեքով «Միշել Պլատինի» արծաթե հուշադրամը:
Հուշադրամի դիմերեսի վերևի կիսաշրջանում պատկերված է KINGS OF FOOTBALL մակագրությամբ եզրապատված արքայի թագ, որը պահպանվում է երկու առյուծների կողմից, իսկ ներքևի կիսաշրջանում` ֆուտբոլի գնդակ և հուշադրամի անվանական արժեքը` «100 ԴՐԱՄ»: Դիմերեսի եզրաշուրթով տեղադրված են «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» մակագրությունները: Անվանական արժեքի և «REPUBLIC OF ARMENIA» մակագրության միջև ՀՀ զինանշանն է և հուշադրամի թողարկման տարեթիվը «2011»:
Հուշադրամի դարձերեսին Ֆրանսիայի ազգային դրոշի գույների ֆոնի վրա, որը ֆուտբոլի գնդակի հետ միասին ստեղծում է գիսաստղի պատկեր, տեղադրված է Միշել Պլատինիի լուսանկարը: Լուսանկարի ներքևի մասում Միշել Պլատինիի ստորագրությունն է, իսկ վերևի մասում` «MICHEL PLATINI» գրառումը:
Հուշադրամը` թափանցիկ պատիճով և իսկության հավաստագրով, տեղադրված է տուփի մեջ:
Հուշադրամի էսքիզների հեղինակն է Քշիշտոֆ Սոկոլը:
Հուշադրամը հատվել է Լեհաստանի դրամահատարանում:
Հուշադրամի բնութագիրը
Անվանական արժեքը
Մետաղը և հարգը
Զանգվածը
Տրամագիծը
Ձևը
Որակը
Դրամաշուրթը
Տպաքանակը 100 դրամ
արծաթ, 925.0 ± 5.0
28,28 ± 0,25 գ
38,61 ± 0,15 մմ
կլոր
պրուֆ` տամպո տպագրությամբ
հարթ
մինչև 20000 հատ
1.1 «ՄԻՇԵԼ ՊԼԱՏԻՆԻ» հուշադրամի դիմերեսի և դարձերեսի էսքիզները