ՀՀ ՎԱՐՉԱՊԵՏԻ ՈՐՈՇՈՒՄԸ Գ. ԲԱՂԻՅԱՆԻՆ ԿՐԱԿՈՎ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

26 հոկտեմբերի 2011 թվականի N 1011-Ա

Գ. ԲԱՂԻՅԱՆԻՆ ԿՐԱԿՈՎ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության գյուղատնտեսության նախարարի առաջին տեղակալ Գ. Բաղիյանին 2011 թվականի հոկտեմբերի 27-28-ը գործուղել Կրակով (Լեհաստանի Հանրապետություն)՝ «Արևելյան գործընկերության նախաձեռնությունում ներգրավված պետությունների կանոնակարգերի բարելավում` համաձայն անասնաբուժության և բուսասանիտարիայի, ինչպես նաև սննդամթերքի անվտանգության և որակի վերաբերյալ Եվրամիության օրենսդրությանը» խորագրով համաժողովին մասնակցելու համար։

2. Ընդունել ի գիտություն, որ Գ. Բաղիյանի՝ Կրակով գործուղման հետ կապված ծախսերը կատարվելու են հրավիրող կողմի հաշվին:

3. Հայաստանի Հանրապետության գյուղատնտեսության նախարար Ս. Կարապետյանին` ապահովել գործուղումից վերադառնալուց հետո եռօրյա ժամկետում Գ. Բաղիյանի` Կրակով գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը։

Հայաստանի Հանրապետության

վարչապետ Տ. Սարգսյան

2011 թ. հոկտեմբերի 26

Երևան