«Վավերացնում եմ»
Հայաստանի Հանրապետության
Նախագահ Ռ. Քոչարյան
8 ապրիլի 1999 թ.
Հայաստանի Հանրապետության կառավարություն
ո ր ո շ ու մ
8 ապրիլի 1999 թվականի N 210
քաղ. Երևան
ՀԱՅԱՍՏԱՆԻ ԿԵՆՏՐՈՆԱԿԱՆ ԴԵՊՈԶԻՏԱՐԻԱՅԻ ՄԱՍԻՆ
Ելնելով արժեթղթերում ներդրողների իրավունքների և օրինական շահերի պաշտպանության, արժեթղթերի անվտանգ, հուսալի, ակտիվ շուկա ապահովելու անհրաժեշտությունից, ինչպես նաև արժեթղթերի, դրանց հավաստագրերի պահպանման, պահառության և (կամ) արժեթղթերի նկատմամբ իրավունքների հաշվառման ու փոխանցման ծառայությունների մատուցման, արժեթղթերի սեփականատերերի ռեեստրի վարման համակարգը կազմող տվյալների հավաքման, մշակման, պահպանման և տրամադրման, փոխադարձ պարտավորությունների (տեղեկատվության հավաքում, ստուգում, ճշտում և դրանց վերաբերյալ հաշվապահական փաստաթղթերի պատրաստում) որոշման, արժեթղթերի առաքման գծով պարտավորությունների ստուգման և հաշվանցման գործառնությունների կարգավորման նպատակով` Հայաստանի Հանրապետության կառավարությունը որոշում է.
1. «Ազգային կենտրոնացված ռեեստր» պետական փակ բաժնետիրական ընկերությունը վերանվանել «Հայաստանի կենտրոնական դեպոզիտարիա» փակ բաժնետիրական ընկերություն:
2. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության սեփականաշնորհման նախարարությանը` միջոցներ ձեռնարկել «Հայաստանի կենտրոնական դեպոզիտարիա» փակ բաժնետիրական ընկերության պետական բաժնետոմսերը Հայաստանի Հանրապետության օրենսդրությամբ սահմանված կարգով արժեթղթերի շուկայի մասնակիցներին մինչև 2000 թվականի դեկտեմբերի 31-ը մասնավորեցնելու համար:
3. Սույն որոշումն ուժի մեջ է մտնում 1999 թվականի ապրիլի 8-ից:
Հայաստանի Հանրապետության
վարչապետ Ա. Դարբինյան