Հոդված 29. Եզրափակիչ մաս և անցումային դրույթներ
Հոդված 29. Եզրափակիչ մաս և անցումային դրույթներ
1. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը:
2. Սույն օրենքի 4-րդ հոդվածի 2-րդ մասն ուժի մեջ է մտնում 2013 թվականի հունվարի 1-ից:
3. Սույն օրենքի 7-րդ հոդվածի`
1) 1-ին կետն ուժի մեջ է մտնում 2019 թվականի հունվարի 1-ից.
2) 2-րդ կետը` մասնագիտական որակավորման մասով, բացառությամբ քննչական գլխավոր վարչության պաշտոնների, ուժի մեջ է մտնում 2017 թվականի հունվարի 1-ից.
3) 5-րդ և 6-րդ կետերն ուժի մեջ են մտնում 2013 թվականի հունվարի 1-ից.
4) 7-րդ կետի «ա» ենթակետն ուժի մեջ է մտնում 2014 թվականի հունվարի 1-ից:
4. Սույն օրենքի 8-րդ հոդվածն ուժի մեջ է մտնում 2014 թվականի հունվարի 1-ից:
5. Սույն օրենքի 16-րդ հոդվածով սահմանված փոփոխությունը չի տարածվում մինչև սույն օրենքի ուժի մեջ մտնելը ոստիկանության ուսումնական հաստատությունում եռամսյա ուսումնական փորձաշրջան անցնող քաղաքացիների վրա:
6. Մինչև սույն օրենքի ուժի մեջ մտնելը ոստիկանության բարձրագույն ուսումնական հաստատությունն ավարտած ոստիկանության ծառայողները օգտվում են «Ոստիկան-սպա», «Ոստիկանության բակալավր» և «Ոստիկանության մագիստրոս» որակավորմամբ մասնագիտական կրթություն ունեցող ոստիկանության ծառայողների համար սույն օրենքով նախատեսված պաշտոնի նշանակվելու իրավունքներից: Մինչև 2013 թվականի հունվարի 1-ը «Ոստիկան» որակավորմամբ մասնագիտական կրթություն ստացած քաղաքացիները համարվում են եռամսյա ուսումնական փորձաշրջան անցած:
7. Մինչև 2014 թվականի հունվարի 1-ը, նախքան ոստիկանությունում օրենքով սահմանված կարգով թափուր պաշտոնի նշանակվելը, ոստիկանության կադրերի ռեզերվում գրանցվում են նաև զինված ուժերի, ազգային անվտանգության, քրեակատարողական ծառայության, դատական ակտերի հարկադիր կատարման ծառայության, արդարադատության նախարարության պետական ծառայողները, դատախազները, ինչպես նաև Հայաստանի Հանրապետության Նախագահի, Հայաստանի Հանրապետության կառավարության, Հայաստանի Հանրապետության վարչապետի կողմից այլ պետական մարմիններում պաշտոնի նշանակված ոստիկանության նախկին ծառայողները:
Հայաստանի Հանրապետության
Նախագահ Ս. Սարգսյան
2011 թ. դեկտեմբերի 27
Երևան
ՀՕ-333-Ն