«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
25 օգոստոսի 1999 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
25 օգոստոսի 1999 թվականի N 524
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՀՈՒՆԻՍԻ 7-Ի N 394 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Գիտաարտադրական համալիր» պետական փակ բաժնետիրական ընկերության 1997-1998 թվականների վարձավճարի գծով Հայաստանի Հանրապետության մշակույթի, երիտասարդության հարցերի և սպորտի նախարարության մշակութային արժեքների պահպանության վարչության ունեցած պարտքերը մարելու կապակցությամբ Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1999 թվականի հունիսի 7-ի «Հայաստանի Հանրապետության 1999 թվականի պետական բյուջեի կատարումն ապահովող միջոցառումների մասին» N 394 որոշման N 1 հավելվածում կատարել հետևյալ փոփոխությունները`
07 խմբի 04 ենթախմբի («Թանգարաններ և ցուցահանդեսներ», «01. Թանգարանների պահպանում») «ՀՀ մշակույթի, երիտասարդության հարցերի և սպորտի նախարարություն» տողի երրորդ եռամսյակի համար նախատեսված 41885,5 հազ. դրամը պակասեցնել 570 հազ. դրամով` նույն չափով ավելացնելով չորրորդ եռամսյակի համար նախատեսված 64999,4 հազ. դրամը.
07 խմբի 06 ենթախմբի («Այլ մշակութային հիմնարկներ», «01. Մշակութային արժեքների պահպանում») «ՀՀ մշակույթի, երիտասարդության հարցերի և սպորտի նախարարություն» տողի երրորդ եռամսյակի համար նախատեսված 1819,3 հազ. դրամն ավելացնել 570 հազ. դրամով` նույն չափով պակասեցնելով չորրորդ եռամսյակի համար նախատեսված 3587,9 հազ. դրամը:
2. Սույն որոշումն ուժի մեջ է մտնում 1999 թվականի օգոստոսի 25-ից:
Հայաստանի Հանրապետության
վարչապետ Վ. Սարգսյան