ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
Հ Ր Ա Մ Ա Ն Ա Գ Ի Ր Ը
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ 2007 ԹՎԱԿԱՆԻ ՕԳՈՍՏՈՍԻ 17-Ի ՆՀ-193-Ն ՀՐԱՄԱՆԱԳՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով Հայաստանի Հանրապետության Սահմանադրության 61-րդ հոդվածով` որոշում եմ.
1. Հայաստանի Հանրապետության Նախագահի 2007 թվականի օգոստոսի 17-ի «Հայաստանի Հանրապետության Նախագահի աշխատակազմի կանոնադրությունը և կառուցվածքը հաստատելու մասին» ՆՀ-193-Ն հրամանագրի 1-ին կետով հաստատված՝ Հայաստանի Հանրապետության Նախագահի աշխատակազմի կանոնադրության՝
1) 13-րդ կետի 1.1-ին ենթակետն ուժը կորցրած ճանաչել.
2) 16-րդ կետի 3-րդ ենթակետից հանել «ՀՀ Ազգային ժողովում ՀՀ Նախագահի մշտական ներկայացուցչին,» բառերը.
3) 16-րդ կետից հետո լրացնել 16.1-րդ կետ՝
«16.1. ՀՀ Նախագահը ՀՀ Ազգային ժողովում ՀՀ Նախագահի մշտական ներկայացուցչի լիազորությունները կարող է վերապահել ՀՀ Նախագահի աշխատակազմի հայեցողական պաշտոն զբաղեցնող անձի:».
4) 21.1-րդ կետն ուժը կորցրած ճանաչել:
2. Հայաստանի Հանրապետության Նախագահի 2007 թվականի օգոստոսի 17-ի «Հայաստանի Հանրապետության Նախագահի աշխատակազմի կանոնադրությունը և կառուցվածքը հաստատելու մասին» ՆՀ-193-Ն հրամանագրի 2-րդ կետով հաստատված՝ Հայաստանի Հանրապետության Նախագահի աշխատակազմի կառուցվածքի 1.3-րդ կետն ուժը կորցրած ճանաչել:
3. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
Նախագահ
Ս. Սարգսյան
2012 թ. սեպտեմբերի 12
Երևան
ՆՀ-228-Ն