ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ 2000 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ

«Վավերացնում եմ»

Հայաստանի Հանրապետության

Նախագահ Ռ. Քոչարյան

6 հուլիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 2000 թվականի N 366

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2000 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ

«Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի 12 հոդվածի «ա» կետին համապատասխան և ի կատարումն Հայաստանի Հանրապետության վարչապետի 2000 թվականի մայիսի 30-ի «Հայաստանի Հանրապետության պետական գույքի կառավարման նախարարության կենտրոնական ապարատի կառուցվածքը հաստատելու մասին» N 299 որոշման 3-րդ կետի` Հայաստանի Հանրապետության կառավարությունը որոշում է.

1. «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի 7 հոդվածով հաստատված բյուջետային ծախսերի գործառական դասակարգման N 1 հավելվածի 14 խմբի 06 ենթախմբի «5. ՀՀ կառավարության պահուստային ֆոնդ» տողով նախատեսված գումարը պակասեցնել 13475,1 հազ. դրամով` նույն չափով ավելացնելով 01 խմբի 07 ենթախմբի «1. Գործադիր իշխանության, պետական կառավարման հանրապետական և տարածքային կառավարման մարմինների կենտրոնական ապարատի պահպանում» բաժնի «ՀՀ պետական գույքի կառավարման նախարարություն» տողով նախատեսված գումարը` այն հաստատելով ըստ բյուջետային ծախսերի տնտեսագիտական դասակարգման` համաձայն հավելվածի:

2. Սույն որոշումն ուժի մեջ է մտնում 2000 թվականի հուլիսի 6-ից:

Հայաստանի Հանրապետության

վարչապետ Ա. Մարգարյան

Հավելված

ՀՀ կառավարության 2000 թվականի

հուլիսի 6-ի N 366 որոշման

Հայաստանի Հանրապետության պետական գույքի կառավարման նախարարության կենտրոնական ապարատի պահպանման համար նախատեսված ծախսերի ավելացումն ըստ տնտեսագիտական դասակարգման

Հոդվածի անվանումը Գումարը

(հազ. դրամ)

ԸՆԴԱՄԵՆԸ ԾԱԽՍԵՐ 13475.1

այդ թվում`

Ա. ԸՆԹԱՑԻԿ ԾԱԽՍԵՐ 13475.1

այդ թվում`

Պետական մարմինների, դրանց ենթակա բյուջետային հիմնարկների աշխատողների աշխատավարձ 8093.4

Ընթացիկ տրանսֆերտներ 2289.0

այդ թվում`

պարտադիր սոցիալական ապահովագրության վճարներ 2289.0

Ապրանքների գնման և ծառայությունների վճարման ծախսեր 3092.7

այդ թվում`

Ապրանքների ձեռքբերում 1725.5

այդ թվում`

Գույք, գրասենյակային ապրանքներ և նյութեր 1725.5

այդ թվում`

գրասենյակային ապրանքներ և նյութեր 1725.5

Գործուղումներ և ծառայողական ուղևորություններ 33.6

Տրանսպորտային ծառայությունների վճար

Կապի ծառայությունների վճար 697.0

Կոմունալ ծառայությունների վճար 636.6

այդ թվում`

էլեկտրաէներգիայի, վառելիքի և ջեռուցման ծախսեր 630.0

ջրմուղ-կոյուղուց օգտվելու վարձի վճարման ծախսեր 6.6

Հայաստանի Հանրապետության

կառավարության աշխատակազմի

ղեկավար-նախարար Ա. Մանուկյան