ՀՀ ՕՐԵՆՔԸ «ՀԱՄԱՅՆՔԱՅԻՆ ԾԱՌԱՅՈՒԹՅԱՆ ՄԱՍԻՆ» ՀՀ ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Համայնքային ծառայության մասին» Հայաստանի Հանրապետության 2004 թվականի դեկտեմբերի 14-ի ՀՕ-43-Ն օրենքի 15-րդ հոդվածում՝

1) 1-ին և 1.1-ին մասերը «աշխատակազմի քարտուղարը» բառերից հետո լրացնել «(բացառությամբ սույն հոդվածի 1.3-րդ մասով նախատեսված դեպքերի)» բառերով.

2) 1.2-րդ մասը «շրջանի ղեկավարը» բառերից հետո լրացնել «(բացառությամբ սույն հոդվածի 1.3-րդ մասով նախատեսված դեպքերի)» բառերով.

3) լրացնել հետևյալ բովանդակությամբ 1.3-րդ մասով.

«1.3. Աշխատակազմում ներքին աուդիտի ստորաբաժանման ղեկավարին և աուդիտորներին պաշտոններում նշանակում և այդ պաշտոններից ազատում է համայնքի ղեկավարը:»: