ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ԱՇՈՏ ՊՈՂՈՍՅԱՆԻՆ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 սեպտեմբերի 2013 թվականի N 1021-Ա

ԱՇՈՏ ՊՈՂՈՍՅԱՆԻՆ ՊԱՐՏԱԴԻՐ ԶԻՆՎՈՐԱԿԱՆ ԾԱՌԱՅՈՒԹՅԱՆ ԶՈՐԱԿՈՉԻՑ ՏԱՐԿԵՏՈՒՄ ՏԱԼՈՒ ՄԱՍԻՆ

«Զինապարտության մասին» Հայաստանի Հանրապետության օրենքի 16-րդ հոդվածի 2-րդ մասին համապատասխան` Հայաստանի Հանրապետության կառավարությունը որոշում է.

1. Աշոտ Վարդանի Պողոսյանին (ծնվ.` 1994 թվականի փետրվարի 9-ին, հասցեն` քաղ. Երևան, Արաբկիր, 19 փող., շենք 4, բն. 5: 2013 թվականին ընդունվել է Բեռլինի Հումբոլդտի համալսարանի բակալավրիատ` իրավագիտություն մասնագիտությամբ) պարտադիր զինվորական ծառայության զորակոչից տալ տարկետում` մինչև ուսումնառության ավարտը` 2018 թվականի գարնանային զորակոչը:

2. Ընդունել ի գիտություն, որ Աշոտ Պողոսյանը պարտավորվում է ուսումնառությունն ավարտելուց հետո 2 տարի աշխատել Հայաստանի Հանրապետության պաշտպանության նախարարության համակարգում` ըստ մասնագիտության:

Հայաստանի Հանրապետության

վարչապետ Տ. Սարգսյան

2013 թ. սեպտեմբերի 26

Երևան