«Գրանցված է»
ՀՀ արդարադատության
նախարարության կողմից
16 դեկտեմբերի 2013 թ.
Պետական գրանցման թիվ 10013498
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
16 հոկտեմբերի 2013 թ.
ք. Երևան N 61-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2006 ԹՎԱԿԱՆԻ ՄԱՅԻՍԻ 17-Ի N 533-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» Հայաստանի Հանրապետության օրենքի 4-րդ հոդվածը, «Իրավական ակտերի մասին» ՀՀ օրենքի 70-րդ հոդվածի 1-ին մասը և Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման Հավելված 1-ով հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը` ելնելով բնակչության առողջության պահպանման շահերից,
Հրամայում եմ՝
1. Հայաստանի Հանրապետության առողջապահության նախարարի 2006 թվականի մայիսի 17-ի «Աշխատատեղերում, բնակելի և հասարակական շենքերում թրթռման (վիբրացիայի) հիգիենիկ նորմերը» ՀՆ N 2.2.4-009-06 հաստատելու մասին» N 533-Ն հրամանով հաստատված «Աշխատատեղերում, բնակելի և հասարակական շենքերում թրթռման (վիբրացիայի)» ՀՆ N 2.2.4-009-06 հիգիենիկ նորմերում (այսուհետ` Նորմեր) կատարել հետևյալ փոփոխությունները և լրացումները.
1) Նորմերի 3.1.1-րդ կետից հանել «` համաձայն նկար 1-ի.» բառերը.
2) Նորմերի 3.1.2-րդ կետից հանել «` համաձայն նկար 2-ի.» բառերը».
3) Նորմերի աղյուսակ 1-ի 2-րդ սյունակի «արագության» բառը փոխարինել «արագացման» բառով.
4) Նորմերի աղյուսակ 1-ի 3-րդ սյունակի «արագացման» բառը փոխարինել «արագության» բառով.
5) Նորմերի 7.1-րդ կետից հետո լրացնել նոր 7.2-րդ կետ՝ հետևյալ բովանդակությամբ.
«7.2 Աշխատատեղերում, բնակելի և հասարակական շենքերում թրթռման (վիբրացիայի) գործիքային չափման գործընթացն իրականացվում է համաձայն Հավելված 1-ի:».
6) Նորմերի 8.1-րդ կետը շարադրել հետևյալ խմագրությամբ.
«8.1 Ընդհանուր կամ տեղային թրթռման (վիբրացիայի) ազդեցությամբ պայմանավորված աշխատատեղերում, թրթռման (վիբրացիայի) ազդեցության ուղղությունները՝ ըստ կոորդինատային առանցքների, սահմանվում են Հավելված 2-ով:».
7) Նորմերը լրացնել Հավելված 1-ով` «Աշխատատեղերում, բնակելի և հասարակական շենքերում թրթռման (վիբրացիայի) գործիքային չափումը» համաձայն հավելվածի:».
8) Նորմերը լրացնել Հավելված 2-ով` «Թրթռման ազդեցության կոորդինացիային առանցքների ուղղությունները» համաձայն հավելվածի.»:
Դ. Դումանյան
Հավելված
ՀՀ առողջապահության նախարարի
2013 թ. հոկտեմբերի 16-ի
N 61-Ն հրամանի
Հավելված 1
ԱՇԽԱՏԱՏԵՂԵՐՈՒՄ, ԲՆԱԿԵԼԻ ԵՎ ՀԱՍԱՐԱԿԱԿԱՆ ՇԵՆՔԵՐՈՒՄ ԹՐԹՌՄԱՆ (ՎԻԲՐԱՑԻԱՅԻ) ԳՈՐԾԻՔԱՅԻՆ ՉԱՓՈՒՄԸ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն հավելվածով (այսուհետ` Հավելված) կանոնակարգվում է թրթռման (վիբրացիայի) գործիքային չափման կազմակերպման գործընթացը Հայաստանի Հանրապետության առողջապահության նախարարի 2006 թվականի մայիսի 17-ի N 533-Ն հրամանով հաստատված «Աշխատատեղերում, բնակելի և հասարակական շենքերում թրթռման (վիբրացիայի)» N 2.2.4-009-06 հիգիենիկ նորմերի պահանջներին համապատասխան:
2. Սույն Հավելվածով կանոնակարգվում է թրթռման (վիբրացիայի) գործիքային չափման կազմակերպման և իրականացման գործընթացը և արդյունքների ամփոփումը` ուղղման արժեքների օգտագործմամբ:
3. Թրթռման չափիչ սարքերն ունենում են չափագիտության բնագավառի լիազոր մարմնի կողմից տրված ստուգաչափման մասին հավաստող փաստաթուղթ, իսկ թրթռման չափիչ սարքերի շահագործումը և պահպանումն իրականացվում է չափման յուրաքանչյուր սարքի տեխնիկական հրահանգին համապատասխան:
2. ԹՐԹՌՄԱՆ ՉԱՓՄԱՆ ՄԵԹՈԴՆԵՐԸ
3. Գործող հիգիենիկ նորմերի պահանջներին համապատասխան թրթռման (վիբրացիայի) գնահատումը կատարվում է հետևյալ մեթոդներով.
1) նորմավորվող չափորոշչի (թրթռման արագության կամ թրթռման արագացման) հաճախականության (սպեկտրալ) անալիզով.
2) նորմավորվող չափորոշչի (թրթռման արագության կամ թրթռման արագացման) ինտեգրալ գնահատումով (ըստ հաճախականության):
4. Թրթռման (վիբրացիայի) ազդեցությունը հիմնականում բնութագրվում է թրթռման նորմավորվող չափորոշչի ինտեգրալ գնահատումով (ըստ հաճախականության, որը հնարավորություն է տալիս գործիքային չափման միջոցով ստանալ միջին երկրաչափական հաճախականությունների օկտավային շերտերում թրթռման արագության կամ թրթռման արագացման ճշգրտված կամ համարժեքային ճշգրտված արժեքների և դրանց մակարդակների թվային բնութագրերը:
3. ՉԱՓՄԱՆ ԿԱԶՄԱԿԵՐՊՈՒՄԸ ԵՎ ԻՐԱԿԱՆԱՑՈՒՄԸ
5. Չափում կատարելու նպատակով ընտրվում են թրթռման (վիբրացիայի) տատանումների առավելագույն արտահայտված կետերը:
6. Յուրաքանչյուր հսկողական կետում թրթռատվիչն ամրացվում է թրթռման (վիբրացիայի) աղբյուրի այն մասում, որի հետ շփվում է աշխատողը.
1) տեղային թրթռման դեպքում` բռնակների, ղեկանիվների, ղեկավարման լծակների, ձեռքում պահվող մշակվող դետալների վրա,
2) ընդհանուր թրթռման դեպքում` նստարանի, աշխատանքային հարթակի, աշխատանքային գոտու հատակի և ոտնակի վրա:
7. Ոչ մշտական աշխատատեղում և աշխատանքային գոտում ընտրվում են 3-ից ոչ պակաս հսկողական կետեր:
8. Յուրաքանչյուր հսկողական կետում թրթռատվիչը տեղադրվում է հավասար և հարթ մակերեսի վրա, երեք փոխադարձ ուղղահայաց X, Y, Z առանցքների ուղղություններին համապատասխան.
1) ընդհանուր թրթռման դեպքում - որտեղ Xը (սագիտալ` հետևից առաջ) և Yը (կողային` աջից ձախ) առանցքները հորիզոնական են և զուգահեռ հենման մակերեսին, իսկ Z-ը ուղղահայաց առանցք է` ուղղված նստարանի կամ հատակի հետ մարմնի հպման մակերեսին (ըստ նկար 1-ի).
2) տեղային թրթռման դեպքում - որտեղ Xտ առանցքը զուգահեռ է թրթռման աղբյուրի բռնման (պահելու) տեղին, Yտ առանցքն ուղղահայաց է ափին, իսկ Zտ առանցքը գտնվում է Xտ առանցքի և սեղմման ուժի գործադրման ուղղությամբ առաջացած հարթության վրա:
9. Կոշտ, անհարթ մակերևույթի (ասֆալտ, բետոն, մետաղական սալիկներ) կամ առանց ամուր ծածկույթի նստարանների դեպքում թրթռատվիչն ամրացվում է անմիջապես տվյալ մակերեսին:
10. Ընդհանուր թրթռման (վիբրացիայի) չափման դեպքում ընտրվում է բարձր զգայունությամբ թրթռատվիչ, իսկ տեղային թրթռման (վիբրացիայի) չափման դեպքում` մեծ ամրությամբ և փոքր չափսերի թրթռատվիչ:
11. Թրթռատվիչն ամրացվում է գործարանային հրահանգի համաձայն:
12. Թրթռաչափիչ սարքը պետք է տեղադրվի այնպես, որպեսզի պաշտպանված լինի էլեկտրական, էլեկտրամագնիսական և այլ դաշտերի ազդեցությունից:
4. ՉԱՓՄԱՆ ԿԱՏԱՐՈՒՄԸ ԵՎ ԱՐԴՅՈՒՆՔՆԵՐԻ ԳՆԱՀԱՏՈՒՄԸ
13. Չափումն սկսելուց առաջ անհրաժեշտ է պահպանել մի շարք ընդհանուր պահանջներ. չափման ժամանակ պետք է ուշադրություն դարձնել թրթռատվիչի ամրացմանը, որպեսզի բացառվի չափման սխալի տոկոսի ավելացումը:
14. Յուրաքանչյուր հսկողական կետում թրթռման չափորոշիչները (թրթռման արագություն կամ թրթռման արագացում) չափվում են առնվազն 3 անգամ և չափման արդյունքներով որոշվում է թրթռման արագության կամ թրթռման արագացման մակարդակների միջին թվաբանականը:
15. Ընդհանուր թրթռման (վիբրացիայի) դեպքում չափումը պետք է կատարել թրթռում առաջացնող մեքենաների և մեխանիզմների` տվյալ արտադրությանը բնորոշ տեխնոլոգիական գործընթացի ժամանակ: Անհրաժեշտ է ընտրել մշտական, շարունակական աշխատանքային ռեժիմ` չափիչ սարքի հիմնավորված ցուցմունք ստանալու համար:
16. Աշխատատեղերում, բնակելի և հասարակական շենքերում թրթռման (վիբրացիայի) չափման արդյունքները համադրվում են «Աշխատատեղերում, բնակելի և հասարակական շենքերում թրթռման (վիբրացիայի)» ՀՆ N 2.2.4-009-06 հիգիենիկ նորմերի`
1) տեղային թրթռման դեպքում՝ 1-ին աղյուսակին համապատասխան սահմանային թույլատրելի մակարդակների հետ,
2) ընդհանուր թրթռման դեպքում՝ 2-րդ, 3-րդ, 4-րդ և 5-րդ աղյուսակներին համապատասխան սահմանային թույլատրելի մակարդակների հետ,
3) բնակելի և հասարակական շենքերում՝ 7-րդ և 8-րդ աղյուսակներին համապատասխան թույլատրելի մակարդակների հետ:
17. Չափման արդյունքներով կազմվում է արձանագրություն լիազոր մարմնի կողմից սահմանված կարգով՝ ըստ հաստատված ձևի:
5. ԹՐԹՌՄԱՆ ՃՇԳՐՏՎԱԾ ԱՐԺԵՔՆԵՐԻ ԿԱՄ ԴՐԱՆՑ ՄԱԿԱՐԴԱԿՆԵՐԻ ՈՐՈՇՈՒՄԸ
18. Թրթռման ինտեգրալ գնահատումը ըստ հաճախականության հնարավորություն է տալիս գործիքային չափման միջոցով որոշելու թրթռման արագության կամ թրթռման արագացման ճշգրտված արժեքները և/կամ մակարդակները կամ դրանց լոգարիթմական մակարդակները՝ հետևյալ բանաձևով.
____________
U= Ö n
∑
i=1 (Ui • Ki).2
կամ
LU = 101g n
∑
i=1 10
0.1(L Ui + L Ki) ,
որտեղ
Ui -ն և LUi-ն - թրթռման արագության կամ թրթռման արագացման միջին քառակուսային արժեքն է կամ դրանց լոգարիթմական մակարդակը i-րդ հաճախականության գոտում,
Ki-ն և Lki-ն - թրթռման արագության կամ թրթռման արագացման բացարձակ արժեքների և դրանց մակարդակների կշռային գործակիցներն են i-րդ հաճախականության գոտու համար համապատասխանաբար` տեղային թրթռման դեպքում՝ 1-ին աղյուսակին, իսկ ընդհանուր թրթռման դեպքում` 2-րդ աղյուսակին համապատասխան:
Աղյուսակ 1
Ki և LKi կշռային գործակիցների արժեքները տեղային թրթռման համար
Միջին
երկրաչափական
հաճախականությունների
օկտավային շերտեր, Հգ Կշռային գործակիցների արժեքները, դԲ
թրթռման արագության hամար թրթռման արագացման համար
Ki LKi Ki LKi
8 1.0 0 0.5 -6
16 1.0 0 1.0 0
31.5 0.5 -6 1.0 0
63 0.25 -12 1.0 0
125 0.125 -18 1.0 0
250 0.063 -24 1.0 0
500 0.0315 -30 1.0 0
1000 0.016 -36 1.0 0
Աղյուսակ 2
Ki և LKi կշռային գործակիցների արժեքները ընդհանուր թրթռման համար
Միջին երկրաչափական հաճախականության
շերտեր, Հց Ընդհանուր թրթռում
Թրթռման արագացման համար Թրթռման արագության համար
1/3 օկտավայում 1/1 օկտավայում 1/3 օկտավայում 1/1 օկտավայում
Zը Xը, Yը Zը Xը, Yը Zը Xը, Yը Zը Xը, Yը
Ki Lki Ki Lki Ki Lki Ki Lki Ki Lki Ki Lki Ki Lki Ki Lki
1 2 3 4 5 6 7 8 9 10 11 12 13 14 15 16 17
0.8
1.0
1.25 0.45
0.5
0.56 -7
-6
-5 1.0
1.0
1.0 0
0
0
0.5
-6
1.0
0 0.045
0.063
0.09 -27
-24
-21 0.4
0.5
0.63 -8
-6
-4
0.045
-25
0.5
-6
1.6
2.0
2.5 0.63
0.71
0.8 -4
-3
-2 1.0
1.0
0.8 0
0
-2
0.71
-3
1.0
0 0.125
0.188
0.25 -18
-15
-12 0.8
1.0
1.0 -2
0
0
0.16
-16
0.9
-1
3.15
4.0
5.0 0.9
1.0
1.0 -1
0
0 0.63
0.5
0.4 -4
-6
-8
1.0
0
0.5
-6 0.35
0.5
0.63 -9
-6
-4 1.0
1.0
1.0 0
0
0
0.45
-7
1.0
0
6.3
8.0
10.0 1.0
1.0
0.8 0
0
-10 0.31
0.25
0.2 -10
-12
-14
1.0
0
0.25
-12 0.8
1.0
1.0 -2
0
0 1.0
1.0
1.0 0
0
0
0.9
-1
1.0
0
12.5
16.0
20.0 0.63
0.50
0.4 -4
-6
-8 0.16
0.125
0.1 16
18
20
0.5
-6
0.125
-18 1.0
1.0
1.0 0
0
0 1.0
1.0
1.0 0
0
0
1.0
0
1.0
0
25.0
31.5
40.0 0.315
0.25
0.2 -10
-12
-14 0.08
0.063
0.05 -22
-24
-26
0.25
-12
0.063
-24 1.0
1.0
1.0 0
0
0 1.0
1.0
1.0 0
0
0
1.0
0
1.0
0
50.0
63.0
80.0 0.16
0.125
0.1 -16
-18
-20 0.04
0.0315
0.025 -28
-30
-32
0.125
-18
0.0315
-30 1.0
1.0
1.0 0
0
0 1.0
1.0
1.0 0
0
0
1.0
0
1.0
0
19. Ընդհանուր թրթռման 2-րդ և 3-րդ կարգերի գնահատման ժամանակ Xընդ. և Yընդ. առանցքների ուղղությունների համար կշռային գործակիցների արժեքները հավասար են Zընդ. ուղղության արժեքին
6. ԹՐԹՌՄԱՆ ՃՇԳՐՏՎԱԾ ՄԱԿԱՐԴԱԿՆԵՐԻ ՀԱՇՎԱՐԿԻ ՕՐԻՆԱԿ
20. Աղյուսակ 3-ում բերված է տեղային թրթռման ճշգրտված մակարդակի հաշվարկի օրինակը` որոշված թրթռման արագության մակարդակների էներգետիկ գումարման եղանակով:
Աղյուսակ 3
Թրթռման արագության ճշգրտված մակարդակի հաշվարկի օրինակ
Միջին երկրաչափական հաճախականության օկտավային շերտեր, Հց
8 16 31.5 63 125 250 500 1000
1 2 3 4 5 6 7 8 9
Թրթռման արագության մակարդակները, Li դԲ 108 112 120 116 111 107 104 103
Կշռային գործակիցների արժեքները Ki, դԲ -6 0 0 0 0 0 0 0
Թրթռման արագության ճշգրտված օկտավային մակարդակները, (Li+Ki), դԲ 102 112 120 116 111 107 104 103
Թրթռման արագության մակարդակների զույգերով էներգետիկ գումարման միջոցով ստացված տվյալները` հաշվի առնելով 4-րդ աղյուսակի ուղղումները 112.4 121.5 112.5 106.5
122.1 113.5
122.7=123
21. 8-1000Հց հաճախականությունների օկտավային շերտերում չափված թրթռման արագության մակարդակներն են L1=108 դԲ, L2112 դԲ, L3=120 դԲ, L4=116 դԲ, L5=111 դԲ, L6=107 դԲ, L7=104 դԲ, L8=103 դԲ: Թրթռման արագության էներգետիկ գումարումը կատարվում է զույգերով: Սկզբից հաշվի են առնվում հաճախականությունների օկտավային շերտերի համար կշռային գործակիցները, մասնավորապես 8 Հց հաճախականության օկտավային շերտում այն հավասար է -6-ի, ուստի ճշգրտված մակարդակը հավասար է 108+(-6)=102 դԲ, իսկ մյուս շերտերի համար կշռային գործակիցները հավասար են 0-ի: Այնուհետև կատարվում է մակարդակների էներգետիկ գումարումը` L1 և L2 մակարդակների տարբերության միջոցով, որը կազմում է L2-L1=112-102=10 դԲ, դրան համապատասխան աղյուսակ 4-ից ընտրվում է ∆L=0.4 դԲ ուղղումը, այն ավելացվում է բարձր ցուցանիշ ունեցող մակարդակին` L2 + ∆L= 112+0.4= 112.4 դԲ:
22. Նույն ձևով որոշվում են L3 և L4, L5 և L6, L7 և L8 մակարդակները`
L3-L4=120-116=4դԲ, ∆L=1.5դԲ, L3+∆L=120+1.5=121.5դԲ,
L5-L6=111-107=4դԲ, ∆L=1.5դԲ, L5+∆L=111+1.5=112.5դԲ,
L7-L8=104-103=1դԲ, ∆L=2.5դԲ, L7+∆L=104+2.5=106.5դԲ:
Այնուհետև պետք է որոշել L1+2 և L3+4, L5+6 և L7+8 մակարդակները`
L1=121.5-112.4=9.1դԲ, ∆L=0.6 դԲ, L1+∆L=121.5+0.6=122.1դԲ,
L2=112.5-106.5=6դԲ, ∆L=1դԲ, L2+ ∆L= 112.5+1= 113.5դԲ:
Հետևաբար L1-L2=122.1-113.5=8.6դԲ, ∆L=0.6 դԲ, L1+ ∆L=122.1+0.6= 122.7դԲ:
23. Վերջնական արդյունք ստանալու համար այն կլորացվում է մինչև ամբողջական թիվը, ըստ որի թրթռման արագության ճշգրտված մակարդակը հավասար է 123 դԲ-ի:
24. Ստացված թրթռման արագության ճշգրտված մակարդակը` 123 դԲ-ը, համադրվում է Հայաստանի Հանրապետության առողջապահության նախարարի 2006 թվականի մայիսի 17-ի N 533-Ն հրամանով հաստատված «Աշխատատեղերում, բնակելի և հասարակական շենքերում թրթռման (վիբրացիայի)» ՀՆ N 2.2.4-009-06 հիգիենիկ նորմերի 1-ին աղյուսակով սահմանված թրթռման արագության ճշգրտված մակարդակի` 112 դԲ-ի հետ, այն գերազանցում է սահմանային թույլատրելի մակարդակը 11 դԲ-ով:
Աղյուսակ 4
∆L ուղղման արժեքները կախված գումարելի մակարդակների տարբերությունից
L2 -L1 գումարելի մակարդակների տարբերությունը, դԲ 0 1 2 3 4 5 6 7 8 10
∆L ուղղումը, դԲ 3 2.5 2.2 1.8 1.5 1.2 1 0.8 0.6 0.4
7. ԹՐԹՌՄԱՆ ՀԱՄԱՐԺԵՔ ՃՇԳՐՏՎԱԾ ՄԱԿԱՐԴԱԿԻ ՈՐՈՇՈՒՄԸ
25. Թրթռման համարժեք ճշգրտված մակարդակը համարվում է ոչ մշտական թրթռման թվային բնութագիր` որոշված փաստացի մակարդակների միջինացման ճանապարհով` հաշվի առնելով թրթռման ազդեցության ժամանակի տևողությունը և կարող է որոշվել հետևյալ բանաձևով.
Lհամ.=10lg, որտեղ
L1, L2 , ….Lո-ը - համապատասխանաբար t1 , t2….tո ժամանակի ընթացքում ազդող թրթռման արագության կամ թրթռման արագացման մակարդակներն են,
T-ն թրթռման ազդեցության ընդհանուր ժամանակն է` T= t1+ t2+….tո։
26. Աղյուսակ 5-ում բերված է թրթռման արագության համարժեք ճշգրտված մակարդակի հաշվարկի օրինակը`
Աղյուսակ 5
Թրթռման արագության ճշգրտված մակարդակները,
դԲ-ով Հերթափոխի ընթացքում թրթռման տվյալ մակարդակի ազդեցության ժամանակը, ժամ Ուղղումը թրթռման տվյալ մակարդակին
(6-րդ աղյուսակից) Թրթռման արագության ճշգրտված մակարդակները` հաշվի առնելով
3-րդ սյունակի ուղղումները, դԲ Թրթռման արագության համարժեքային ճշգրտված մակարդակը, ստացված մակարդակների զույգերով գումարման եղանակով` հաշվի առնելով 4-րդ աղյուսակի ուղղումները, դԲ
1 2 3 4 5
108 1 -9 99
107 2 -6 101 103.2
115 0.5 -12 103 106
110 1 -9 101 107.2
104 3 -4.2 100 108
27. Աշխատանքային հերթափոխում (8 ժամյա)` կազմակերպության արտադրական սենքի մշտական աշխատատեղում, թրթռման համապատասխանաբար 1, 2, 0.5, 1 և 3 ժամվա ազդեցության ընթացքում թրթռման արագության ճշգրտված մակարդակները կազմել են 108, 107, 115, 110 և 104 դԲ, որոնց ազդեցության տևողությունից կախված 6-րդ աղյուսակից ընտրվում են համապատասխանաբար -9, -6, -12, -9 և -4.2 դԲ ուղղումները: Կատարելով համապատասխան ուղղումներ թրթռման արագության ճշգրտված մակարդակներին, ստացվում է համապատասխանաբար 99, 101, 103, 101 և 100 դԲ: Այնուհետև այդ մակարդակները համադրվում են զույգերով: Դրա համար L1 և L2 մակարդակների տարբերության միջոցով, որը կազմում է L2-L1=101-99=2 դԲ, դրան համապատասխան աղյուսակ 4-ից ընտրվում է ∆L=2.2 դԲ ուղղումը, այն ավելացվում է բարձր ցուցանիշ ունեցող մակարդակին` L2 + ∆L= 101+2.2= 103.2 դԲ:
28. Նույն ձևով որոշվում են L3 և L2, L4 և L3, L5 և L4 մակարդակները`
L3-L2=103.2-103=0.3դԲ, ∆L=2.5դԲ, L3+∆L=103.2+2.5=106դԲ,
L4 -L3=106-101=5դԲ, ∆L=1.2դԲ, L4 +∆L=106+1.2=107.2դԲ,
L5 -L4 =107.2-100=7.2դԲ, ∆L=0.8դԲ, L5 +∆L=107.2+0.8=108դԲ:
29. Վերոնշյալ օրինակում թրթռման արագության համարժեքային ճշգրտված մակարդակի՝ 108 դԲ-ի, «Աշխատատեղերում, բնակելի և հասարակական շենքերում թրթռման (վիբրացիայի)» ՀՆ N 2.2.4-009-06 հիգիենիկ նորմերի 4-րդ աղյուսակով սահմանված թրթռման արագության համարժեք ճշգրտված մակարդակի` 92 դԲ-ի հետ համադրման արդյունքում թրթռման արագության համարժեքային ճշգրտված մակարդակը գերազանցել է սահմանային թույլատրելի մակարդակը 16 դԲ-ով:
Աղյուսակ 6
Թրթռման համարժեքային մակարդակի հաշվարկի համար ճշգրտված մակարդակներին կատարվող ուղղման արժեքները
Թրթռման
ազդեցության
ժամանակը
հերթափոխի
ընթացքում ժամ-ով 8 7 6 5 4 3 2 1 0.5 15 րոպե 5
րոպե
%-ով 100 88 75 62 60 38 25 12 6 3 1
Ուղղումը` դԲ-ով 0 -0.6 -1.2 -2 -3 -4.2 -6 -9 -12 -15 -20
Հավելված
ՀՀ առողջապահության նախարարի
2013 թ. հոկտեմբերի 16-ի
N 61-Ն հրամանի
Հավելված 2
ԹՐԹՌՄԱՆ ԱԶԴԵՑՈՒԹՅԱՆ ԺԱՄԱՆԱԿ ԿՈՈՐԴԻՆԱՏԱՅԻՆ ԱՌԱՆՑՔՆԵՐԻ ՈՒՂՂՈՒԹՅՈՒՆՆԵՐԸ