«Գրանցված է»
ՀՀ արդարադատության
նախարարության կողմից
12 դեկտեմբերի 2013 թ.
Պետական գրանցման թիվ 12113484
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՓՈԽՎԱՐՉԱՊԵՏ,
ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ
31 հոկտեմբերի 2013 թ.
ք. Երևան N 9-Ն
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ, ՓՈԽՎԱՐՉԱՊԵՏԻ 2008 ԹՎԱԿԱՆԻ ԴԵԿՏԵՄԲԵՐԻ 4-Ի N 02-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հիմք ընդունելով «Համայնքային ծառայության մասին» Հայաստանի Հանրապետության օրենքի 21-րդ հոդվածի 3-րդ մասը և 35.2-րդ հոդվածի 1-ին մասի «ը» կետը և ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով.
ՀՐԱՄԱՅՈՒՄ ԵՄ՝
1. Հայաստանի Հանրապետության տարածքային կառավարման նախարար, փոխվարչապետի 2008 թվականի դեկտեմբերի 4-ի «Համայնքային ծառայության կադրերի ռեզերվում գրանցելու և կադրերի ռեզերվից հանելու կարգը սահմանելու մասին» N 02-Ն հրամանում կատարել հետևյալ փոփոխությունները և լրացումը.
1) հրամանով հաստատված կարգի (այսուհետ` կարգ) 6-րդ կետում «տասնօրյա ժամկետում» բառերը փոխարինել «5 աշխատանքային օրվա ընթացքում» բառերով.
2) կարգի 7-րդ կետում.
ա. «եռօրյա ժամկետում» բառերը փոխարինել «2 աշխատանքային օրվա ընթացքում» բառերով.
բ. «(համաձայն ձևի)» բառերը փոխարինել «(համաձայն N 1 ձևի)» բառերով.
գ. «որը տրամադրվում է» բառերը փոխարինել «որը փոստով կամ առձեռն տրամադրվում է» բառերով.
3) կարգի 8-րդ կետում.
ա. «տվյալներն ընդգրկվում են» բառերը փոխարինել «տվյալները սույն կարգի 6-րդ կետում նշված վարչական ակտն ընդունվելուց հետո 1 աշխատանքային օրվա ընթացքում ընդգրկվում են» բառերով.
բ. «մատյանում» բառից հետո լրացնել «(համաձայն N 2 ձևի)» բառերը.
4) կարգի 9-րդ կետի «զ» ենթակետում «համայնքային և (կամ) քաղաքացիական» բառերը փոխարինել «հանրային» բառով.
5) կարգի 10-րդ կետում «հնգօրյա ժամկետում» բառերը փոխարինել «2 աշխատանքային օրվա ընթացքում» բառերով.
6) կարգին կից գրանցման թերթիկում.
ա. «Հավելված Համայնքային ծառայության կադրերի ռեզերվում գրանցելու և կադրերի ռեզերվից հանելու կարգի» բառերը փոխարինել «Ձև N 1» բառերով.
բ. «Համայնքային ծառայության դասային աստիճանը» բառերը փոխարինել «Հանրային ծառայության դասային աստիճանը (կոչումը)» բառերով.
7) կարգը լրացնել հետևյալ բովանդակությամբ նոր Ձև N 2-ով.
«Ձև N 2
Մ Ա Տ Յ Ա Ն
Համայնքային ծառայության կադրերի ռեզերվում գրանցված անձանց վերաբերյալ տվյալների հաշվառման
Հ/հ Անունը, ազգանունը, հայրանունը Ծննդյան տարին, ամիսը, ամսաթիվը Անձնագրի տվյալները (սերիան, համարը, և ում կողմից է տրվել) Հանրային ծառայության դասային աստիճանը (կոչումը) Կադրերի ռեզերվում գրանցելու հիմքը Կադրերի ռեզերվում գրանցելու մասին վարչական ակտի համարը և ամսաթիվը Կադրերի ռեզերվից հանելու մասին վարչական ակտի համարը և ամսաթիվը Կադրերի ռեզերվից հանելու հիմքը Ծանո-թություն
1 2 3 4 5 6 7 8 9 10
»:
2. Սույն հրամանն ուժի մեջ է մտնում պաշտոնական հրապարակմանը հաջորդող 10-րդ օրվանից:
Ա. Գևորգյան