ՀՀ ՔԱՂԱՔԱՇԻՆՈՒԹՅԱՆ ՆԱԽԱՐԱՐԻ ԵՎ ՀՀ ՖԻՆԱՆՍՆԵՐԻ ՆԱԽԱՐԱՐԻ ՀԱՄԱՏԵՂ ՀՐԱՄԱՆԸ ՇԻՆԱՐԱՐՈՒԹՅԱՆ ՈԼՈՐՏՈՒՄ՝ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԱԾ ԱՇԽԱՏԱՆՔՆԵՐԻ ԾԱՎԱԼՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ՝ ԷԼԵԿՏՐՈՆԱՅԻՆ ԵՂԱՆԱԿՈՎ ՓՈԽԱՆԱԿՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

22 հուլիսի 2014 թ.

Պետական գրանցման թիվ 11714288

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՔԱՂԱՔԱՇԻՆՈՒԹՅԱՆ ՆԱԽԱՐԱՐ

3 հուլիսի 2014 թ. N 178-Ն ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՖԻՆԱՆՍՆԵՐԻ ՆԱԽԱՐԱՐ

23 հունիսի 2014 թ. N 386-Ն

Հ Ա Մ Ա Տ Ե Ղ Հ Ր Ա Մ Ա Ն

ՇԻՆԱՐԱՐՈՒԹՅԱՆ ՈԼՈՐՏՈՒՄ՝ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԱԾ ԱՇԽԱՏԱՆՔՆԵՐԻ ԾԱՎԱԼՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ՝ ԷԼԵԿՏՐՈՆԱՅԻՆ ԵՂԱՆԱԿՈՎ ՓՈԽԱՆԱԿՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով ՀՀ կառավարության 1997 թվականի հուլիսի 24-ի N 294 որոշման 1-ին կետի «ը» ենթակետը.

Հրամայում ենք`

1. Հաստատել շինարարության ոլորտում՝ պետական պատվերի շրջանակներում իրականացված աշխատանքների ծավալների մասին տեղեկատվության՝ էլեկտրոնային եղանակով փոխանակման կարգը՝ համաձայն հավելվածի:

2. Հայաստանի Հանրապետության քաղաքաշինության նախարարության աշխատակազմի ղեկավարին` ապահովել սույն հրամանի պետական գրանցումը Հայաստանի Հանրապետության արդարադատության նախարարությունում:

3. Սույն հրամանի կատարման նկատմամբ հսկողությունը վերապահել Հայաստանի Հանրապետության քաղաքաշինության նախարարության և ՀՀ ֆինանսների նախարարության աշխատակազմերի ղեկավարներին:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ քաղաքաշինության նախարար

Ն. Սարգսյան ՀՀ ֆինանսների նախարար

Գ. Խաչատրյան

Հավելված

ՀՀ քաղաքաշինության նախարարի

2014 թ. հուլիսի 3-ի

N 178-Ն հրամանի

ՀՀ ֆինանսների նախարարի

2014 թ. հունիսի 23-ի

N 386-Ն հրամանի

Կ Ա Ր Գ

ՇԻՆԱՐԱՐՈՒԹՅԱՆ ՈԼՈՐՏՈՒՄ՝ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԱԾ ԱՇԽԱՏԱՆՔՆԵՐԻ ԾԱՎԱԼՆԵՐԻ ՄԱՍԻՆ ՏԵՂԵԿԱՏՎՈՒԹՅԱՆ՝ ԷԼԵԿՏՐՈՆԱՅԻՆ ԵՂԱՆԱԿՈՎ ՓՈԽԱՆԱԿՄԱՆ

1. Հայաստանի Հանրապետության կառավարության 1997 թվականի հուլիսի 24-ի «Հայաստանի Հանրապետության կառավարությանն առընթեր պետական եկամուտների կոմիտեին տեղեկություններ հաղորդելու (տրամադրելու) մասին» N 294 որոշման 1-ին կետի «ը» ենթակետին համապատասխան՝ սույն կարգով կանոնակարգվում են շինարարության ոլորտում պետական պատվերի շրջանակներում իրականացված աշխատանքների ծավալների մասին տեղեկատվության՝ էլեկտրոնային եղանակով փոխանակման հետ կապված հարաբերությունները:

2. Հայաստանի Հանրապետության քաղաքաշինության նախարարությունը յուրաքանչյուր եռամսյակի համար, մինչև տվյալ եռամսյակին հաջորդող ամսվա վերջին աշխատանքային օրը, սույն կարգի N 1 ձևով վերադաս հարկային մարմին է ներկայացնում եռամսյակի ընթացքում շինարարության ոլորտում պետական պատվերի շրջանակներում իրականացված աշխատանքների ծավալների մասին տեղեկատվություն:

3. Սույն կարգի 2-րդ կետով նախատեսված տեղեկատվությունը ներկայացվում է էլեկտրոնային եղանակով` «Micrоsоft Excel» համակարգչային ծրագրի ձևաչափով:

Ձև N 1

ՀՀ քաղաքաշինության նախարարի

2014 թ. հուլիսի 3-ի N 178-Ն և

ՀՀ ֆինանսների նախարարի

2014 թ. հունիսի 23-ի N 386-Ն

հրամաններով հաստատված կարգի

ՏԵՂԵԿԱՏՎՈՒԹՅՈՒՆ

ՇԻՆԱՐԱՐՈՒԹՅԱՆ ՈԼՈՐՏՈՒՄ ՊԵՏԱԿԱՆ ՊԱՏՎԵՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎԱԾ ԱՇԽԱՏԱՆՔՆԵՐԻ ԾԱՎԱԼՆԵՐԻ ՄԱՍԻՆ

20 թ. ____ եռամսյակի համար

Հ/հ Շինարարական կազմակերպության անվանումը Հարկ վճարողի հաշվառման համարը Օբյեկտի գտնվելու վայրը Օբյեկտի տեսակը Շինարարական աշխատանքների պայմանագրային արժեքը (հազ. դրամ) Եռամսյակում կատարված աշխատանքների արժեքը

(հազ. դրամ)

1 2 3 4 5 6 7