ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 հունվարի 2015 թվականի N 35-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔ ՍՊԻՏԱԿ ՇԱՔԱՐԻ ՆԵՐՄՈՒԾՈՒՄԸ ԿԱՆՈՆԱԿԱՐԳԵԼՈՒ ՄԱՍԻՆ
Ղեկավարվելով «Առևտրի և ծառայությունների մասին» Հայաստանի Հանրապետության օրենքի 2.1-ին հոդվածով` Հայաստանի Հանրապետության կառավարությունը որոշում է.
1. Սահմանել, որ՝
1) պայմանագիրն ուժի մեջ մտնելու օրվանից երկու տարվա ընթացքում սպիտակ շաքարի (ԵԱՏՄ ԱՏԳ ԱԱ 1701 99 100 1 և 1701 99 100 9) ներմուծումը երրորդ երկրներից թույլատրվում է՝ 10 տոկոս ներմուծման մաքսատուրքի վճարման պայմանով` մեկ տարվա ընթացքում 4000 տոննայից ոչ ավելի ծավալով` լիցենզիայի (թույլտվության) առկայության դեպքում.
2) սպիտակ շաքարի ( ԵԱՏՄ ԱՏԳ ԱԱ 1701 99 100 1 և 1701 99 100 9) ներմուծման մեկանգամյա լիցենզիա տալու մասով լիազոր մարմին է ճանաչվում Հայաստանի Հանրապետության էկոնոմիկայի նախարարությունը:
2. Հաստատել՝
1) արտաքին տնտեսական գործունեության մասնակիցների միջև սպիտակ շաքարի (ԵԱՏՄ ԱՏԳ ԱԱ 1701 99 100 1 և 1701 99 100 9) Հայաստանի Հանրապետություն երրորդ երկրներից ներմուծման թույլատրելի ծավալների բաշխման կարգը` համաձայն N 1 հավելվածի.
2) արտաքին տնտեսական գործունեություն իրականացնող մասնակիցների կողմից սպիտակ շաքարի (ԵԱՏՄ ԱՏԳ ԱԱ 1701 99 100 1 և 1701 99 100 9) ներմուծման մեկանգամյա լիցենզիայի ձևը` համաձայն N 2 հավելվածի:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Հ. Աբրահամյան
2015 թ. հունվարի 30
Երևան
Հավելված N 1
ՀՀ կառավարության 2015 թվականի
հունվարի 22-ի N 35-Ն որոշման
Կ Ա Ր Գ
ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԱՍՆԱԿԻՑՆԵՐԻ ՄԻՋԵՎ ՍՊԻՏԱԿ ՇԱՔԱՐԻ (ԵԱՏՄ ԱՏԳ ԱԱ 1701 99 100 1 ԵՎ 1701 99 100 9) ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԵՐՐՈՐԴ ԵՐԿՐՆԵՐԻՑ ՆԵՐՄՈՒԾՄԱՆ ԹՈՒՅԼԱՏՐԵԼԻ ԾԱՎԱԼՆԵՐԻ ԲԱՇԽՄԱՆ
I. ԸՆԴՀԱՆՈՒՐ ԴՐՈՒՅԹՆԵՐ
1. Արտաքին տնտեսական գործունեության մասնակիցների միջև սպիտակ շաքարի (ԵԱՏՄ ԱՏԳ ԱԱ 1701 99 100 1 և 1701 99 100 9) Հայաստանի Հանրապետություն երրորդ երկրներից ներմուծման թույլատրելի ծավալների բաշխման կարգով (այսուհետ` կարգ) կարգավորվում են սպիտակ շաքարի (ԵԱՏՄ ԱՏԳ ԱԱ 1701 99 100 1 և 1701 99 100 9) երրորդ երկրներից ներմուծման թույլատրելի ծավալների բաշխման հետ կապված հարաբերություններն արտաքին տնտեսական գործունեության մասնակիցների միջև:
2. Սույն կարգը մշակվել է 2014 թվականի մայիսի 29-ի Եվրասիական տնտեսական միության մասին պայմանագրին Հայաստանի Հանրապետության միանալու մասին պայմանագրի (այսուհետ` պայմանագիր) N 3 հավելվածի 43-րդ կետին համապատասխան:
3. Սույն կարգով սահմանված հարաբերությունները կարգավորվում են նաև Մաքսային միության 2009 թվականի հունիսի 9-ի Արտաքին առևտրի ոլորտում ապրանքների լիցենզավորման կարգի մասին համաձայնագրին համապատասխան:
II. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
4. Սույն կարգում օգտագործվում են հետևյալ հասկացությունները՝
1) ներմուծման թույլատրելի ծավալ` ծավալ, որը սահմանվում է՝ ելնելով վերջին երեք տարվա ընթացքում տվյալ ապրանքի ներմուծման միջին ծավալից.
2) մեկանգամյա լիցենզիա` պաշտոնական թույլտվություն է, որը տրվում է հաշվետու ժամանակաշրջանում որոշակի ծավալով (քանակով) ապրանքի ներմուծման համար.
3) ապրանք` ԵՏՄ ԱՏԳ ԱԱ 1701 99 100 1 և 1701 99 100 9 ծածկագրին դասվող սպիտակ շաքար.
4) հաշվարկված ժամանակաշրջան` ներմուծման սահմանափակման կիրառման տարվան անմիջապես նախորդող երեք տարին.
5) արտաքին տնտեսական գործունեության մասնակիցներ` Հայաստանի Հանրապետության օրենսդրությամբ սահմանված իրավաբանական անձինք կամ անհատ ձեռնարկատերեր.
6) պատմական գնորդներ` հաշվարկված ժամանակաշրջանում ներքին սպառման համար ապրանք ներմուծող՝ Հայաստանի Հանրապետության օրենսդրությանը համապատասխան արտաքին տնտեսական գործունեության մասնակիցներ.
7) հայտատու` արտաքին տնտեսական գործունեություն իրականացնելու նպատակ ունեցող մասնակից.
8) լիազոր մարմին` ապրանքի ներմուծման լիցենզիա տալու իրավասություն ունեցող պետական մարմին:
III. ՍՊԻՏԱԿ ՇԱՔԱՐԻ (ԵԱՏՄ ԱՏԳ ԱԱ 1701 99 100 1 ԵՎ 1701 99 100 9) ԵՐՐՈՐԴ ԵՐԿՐՆԵՐԻՑ ՆԵՐՄՈՒԾՄԱՆ ԹՈՒՅԼԱՏՐԵԼԻ ԾԱՎԱԼՆԵՐԻ ԲԱՇԽՈՒՄԸ
5. Ապրանքի ներմուծման թույլատրելի ծավալները բաշխվում են հետևյալ կերպ՝
1) պատմական գնորդների համար` համապատասխան տարվա համար ընդհանուր թույլատրելի ծավալի 90 տոկոսը.
2) այլ արտաքին տնտեսական գործունեության մասնակիցների համար` համապատասխան տարվա համար ընդհանուր թույլատրելի ծավալի 10 տոկոսը:
6. Այն դեպքերում, երբ նշված կարգով բաշխման արդյունքում ստացվում է կոտորակային թիվ, ապա բաշխման արդյունքները ենթակա են կլորացման՝ մինչև ամբողջ թիվ:
IV. ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԱՍՆԱԿԻՑՆԵՐԻ ՄԻՋԵՎ ԵՐՐՈՐԴ ԵՐԿՐՆԵՐԻՑ ՆԵՐՄՈՒԾՄԱՆ ԹՈՒՅԼԱՏՐԵԼԻ ԾԱՎԱԼԻ ԲԱՇԽՈՒՄԸ
7. Արտաքին տնտեսական գործունեության մասնակիցների միջև երրորդ երկրներից ներմուծման թույլատրելի ծավալը 2015 և 2016 թվականների համար բաշխվում է` Հայաստանի Հանրապետության էկոնոմիկայի նախարարություն (այսուհետ` լիազոր մարմին) ներմուծման համար արտաքին տնտեսական գործունեության մասնակցի կողմից դիմում ներկայացնելու ժամկետի ավարտից հետո 10 աշխատանքային օրվա ընթացքում:
8. Ներմուծման համար արտաքին տնտեսական գործունեության մասնակցի կողմից լիազոր մարմին հայտեր ներկայացնելու ժամկետներն են՝
1) 2015 թվականի համար` պայմանագիրն ուժի մեջ մտնելու պահից 30 աշխատանքային օրվա ընթացքում.
2) 2016 թվականի համար` մինչև 2015 թվականի օրացուցային տարվա նոյեմբերի 30-ը:
9. Մինչև սույն կարգի 8-րդ կետով սահմանված հայտերը ներկայացնելու ժամկետի ավարտն արտաքին տնտեսական գործունեության մասնակցի կողմից հետ կանչված հայտերը համարվում են չներկայացված:
10. Համապատասխան տարվա համար ներմուծման մասին հայտ ներկայացրած պատմական գնորդի համար ներմուծման թույլատրելի ծավալի բաշխման հաշվարկն իրականացվում է հետևյալ բանաձևով՝
Vi = Vid x D,
որտեղ`
Vi -ն i-րդ պատմական գնորդին հատկացվող ներմուծման թույլատրելի ծավալն է,
Vid-ն բոլոր պատմական գնորդներին՝ համապատասխան տարվա համար ապրանքի ներմուծման թույլատրելի ծավալն է,
D-ն գործակից է, որն արտացոլում է հաշվարկված ժամանակաշրջանում ապրանքի ներմուծման ընդհանուր ծավալում պատմական գնորդի մասը։
D գործակիցը հաշվարկվում է հետևյալ բանաձևով, ընդ որում, գործակցի մեծությունը կլորացվում է մինչև տասնորդական միավորը՝
D = Vipt / Vt,
որտեղ`
Vipt-ն պատմական գնորդի կողմից հաշվարկված ժամանակաշրջանում Հայաստանի Հանրապետության տարածք ներմուծված բնաիրային ծավալն է,
Vt-ն բոլոր պատմական գնորդների կողմից Հայաստանի Հանրապետության տարածք ներմուծված բնաիրային ծավալն է:
11. Ներմուծման թույլատրելի ծավալի չբաշխված քանակությունից ներմուծման նոր թույլատրելի ծավալ ստանալու համար արտաքին տնտեսական գործունեության մասնակիցները մինչև հաշվետու ժամանակահատվածի հունիսի 1-ը լիազոր մարմին են ներկայացնում հայտ` սույն կարգի 14-րդ կետի պահանջներին համապատասխան:
12. Չբաշխված ներմուծման թույլատրելի ծավալը լիազոր մարմնի կողմից բաշխվում է`
1) պատմական գնորդների համար` սույն կարգի 10-րդ կետի պահանջներին համապատասխան.
2) այլ արտաքին տնտեսական գործունեության մասնակիցների միջև` հավասարաչափ:
13. Մաքսային ոլորտի լիազոր մարմինը լիազոր մարմին է ներկայացնում`
1) 2015 թվականի համար` մինչև 2015 թվականի հունվարի 30-ը՝ սույն կարգի N 1 ձևով սահմանված` 2013-2014 թվականների արտաքին տնտեսական գործունեության մասնակիցների կողմից ապրանքի ներմուծման բնաիրային ծավալների մասին տեղեկատվություն.
2) 2016 թվականի համար` մինչև 2015 թվականի նոյեմբերի 1-ը՝ սույն կարգի N 1 ձևով սահմանված` 2014-2015 թվականների արտաքին տնտեսական գործունեության մասնակիցների կողմից ապրանքի ներմուծման բնաիրային ծավալների մասին տեղեկատվություն.
3) հաշվետու տարվա ընթացքում, մինչև հաշվետու ժամանակաշրջանին հաջորդող ամսվա 15-ը, եռամսյակային կտրվածքով արտաքին տնտեսական գործունեության մասնակիցների կողմից ապրանքի ներմուծման բնաիրային ծավալների մասին տեղեկատվություն:
V. ՆԵՐՄՈՒԾՄԱՆ ՄԵԿԱՆԳԱՄՅԱ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ
14. Հայտատուն ապրանքի ներմուծման համար մեկանգամյա լիցենզիա ստանալու համար լիազոր մարմին է ներկայացնում հետևյալ փաստաթղթերը՝
1) հայտ` համաձայն N 2 ձևի.
2) արտաքին տնտեսական գործունեության իրականացման համար ներմուծման մասին պայմանագրի կամ հաշիվ-ապրանքագրի պատճենը։
15. Մեկանգամյա լիցենզիա ստանալու համար անհրաժեշտ փաստաթղթերի պատճենները հաստատվում են հայտատուի ստորագրությամբ:
16. Մեկանգամյա լիցենզիա ստանալու համար անհրաժեշտ փաստաթղթերը լիազոր մարմին հայտատուի հայեցողությամբ կարող են ներկայացվել էլեկտրոնային եղանակով (էլեկտրոնային հասցեն` sekretariat@mineconomy.am), ինչպես նաև՝ փոստով կամ առձեռն։
17. Հայտատուի կողմից, սույն կարգով սահմանված պահանջներին համապատասխան, փաստաթղթերը ներկայացվելու և հիմնավորող փաստաթղթերի առկայության դեպքում լիազոր մարմնի կողմից 15-օրյա ժամկետում կարող է տրամադրվել կամ մերժվել մեկանգամյա լիցենզիայի տրամադրումը:
18. Մեկանգամյա լիցենզիա ստացած անձինք մեկանգամյա լիցենզիայի ժամկետի ավարտման օրվանից 15 օրվա ընթացքում լիազոր մարմին են ներկայացնում նշված ապրանքի ներմուծման մասին տեղեկատվություն:
19. Հայտատուի ներկայացրած փաստաթղթերը Հայաստանի Հանրապետության էկոնոմիկայի նախարարությունում մուտքագրվելուց հետո, թերի լինելու դեպքում, 5 աշխատանքային օրվա ընթացքում դրա մասին էլեկտրոնային կամ կապի այլ միջոցներով տեղեկացվում է հայտատուին:
20. Հայտատուն փաստաթղթերը թերի լինելու մասին տեղեկացում ստանալու դեպքում 3 աշխատանքային օրվա ընթացքում կարող է համալրել դրանք:
21. Մեկանգամյա լիցենզիա ստանալու մասին հայտը մերժվում է, եթե հայտը և դրան կից ներկայացվող փաստաթղթերը թերի են, և 3 աշխատանքային օրվա ընթացքում հայտատուն չի վերացնում հայտում կամ դրան կից փաստաթղթերում առկա թերությունները կամ չի ներկայացնում համալրված փաստաթղթերը:
22. Մեկանգամյա լիցենզիայի ժամկետը չի կարող գերազանցել մեկ տարին: Մեկանգամյա լիցենզայի ժամկետի ավարտ է համարվում համապատասխան օրացուցային տարվա ավարտը:
23. Մեկանգամյա լիցենզիան մերժվում, տրամադրվում է, լիցենզիայի գործողությունը կասեցվում և դադարեցվում է լիազոր մարմնի որոշմամբ` Մաքսային միության 2009 թվականի հունիսի 9-ի Ապրանքների արտաքին առևտրի ոլորտում լիցենզավորման կանոնների մասին համաձայնագրով սահմանված դեպքերում և կարգով:
Հայաստանի Հանրապետության
կառավարության աշխատակազմի
ղեկավար-նախարարի առաջին
տեղակալ Գ. Դումանյան
Ձև N 1
Տ Ե Ղ Ե Կ Ա Տ Վ ՈՒ Թ Յ ՈՒ Ն
ՍՊԻՏԱԿ ՇԱՔԱՐԻ (ԵԱՏՄ ԱՏԳ ԱԱ 1701 99 100 1 ԵՎ 1701 99 100 9) ՆԵՐՄՈՒԾՄԱՆ ԲՆԱԻՐԱՅԻՆ ԾԱՎԱԼՆԵՐԻ ՄԱՍԻՆ
(հաշվարկված ժամանակահատվածի համար)
NN
ը/կ ԱՏԳ մասնակիցը ՀՎՀՀ-ն Ներմուծված ապրանքի ծավալը (տոննա) Հաշվարկված ժամանակահատվածում ԱՏԳ մասնակցի ներմուծման բաժինն ընդհանուր ներմուծման նկատմամբ
(տոկոս)
ընդամենը այդ թվում`
201- թվական 201- թվական
Ընդամենը
Ձև N 2
Հ Ա Յ Տ
ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԱՍՆԱԿԻՑՆԵՐԻ ԿՈՂՄԻՑ ՍՊԻՏԱԿ ՇԱՔԱՐԻ (ԵԱՏՄ ԱՏԳ ԱԱ 1701 99 100 1 ԵՎ 1701 99 100 9) ՆԵՐՄՈՒԾՄԱՆ ՄԵԿԱՆԳԱՄՅԱ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
1. Հայտ N 2. Գործողության ժամկետը
3. Մեկանգամյա լիցենզիայի տեսակը
ՆԵՐՄՈՒԾՈՒՄ 4. Պայմանագիր կամ հաշիվ-ապրանքագիր
N առ
5. Հայտատուն 6. Վաճառողը
7. Արտահանող երկիրը 8. Վաճառողի երկիրը
9. Պայմանագրով նախատեսված տարադրամը 10. Արժեքը 11. Վիճակագրական արժեքը
12. Ծագման երկիրը 13. Քանակը 14. Չափի միավորը
15. Ապրանքի ծածկագիրը և նկարագրությունը` ըստ ԵԱՏՄ ԱՏԳ ԱԱ-ի
16. Լրացուցիչ տեղեկատվություն
- Նշել ներմուծվող ապրանքի օգտագործման նպատակը (արդյունաբերական կամ առևտրի, ինչպես նաև Հայաստանի Հանրապետության կառավարության 2015 թվականի հունվարի 22-ի N 35 -Ն որոշմամբ հաստատված կարգով սահմանված հաշվետու ժամանակաշրջանում օգտագործվելիք ծավալները) ----
- Նշել Հայաստանի Հանրապետության կառավարության 2015 թվականի հունվարի 22-ի N 35 -Ն որոշմամբ հաստատված կարգով սահմանված՝ հաշվարկված ժամանակաշրջանում արտադրության մեջ օգտագործված ծավալները -----
17. Մեկանգամյա լիցենզիա տալու հիմքը 18. Հայտատուի լիազորած անձ
Անունը, հայրանունը, ազգանունը
Պաշտոնը`
Հեռախոսահամարը`
Ստորագրությունը և կնիքը
_____ _____________ 201 թ.
Հավելված N 2
ՀՀ կառավարության 2015 թվականի
հունվարի 22-ի N 35-Ն որոշման
Մ Ե Կ Ա Ն Գ Ա Մ Յ Ա Լ Ի Ց Ե Ն Զ Ի Ա
ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԱՍՆԱԿԻՑՆԵՐԻ ԿՈՂՄԻՑ ՍՊԻՏԱԿ ՇԱՔԱՐԻ (ԵԱՏՄ ԱՏԳ ԱԱ 1701 99 100 1 ԵՎ 1701 99 100 9) ՆԵՐՄՈՒԾՄԱՆ
Եվրասիական տնտեսական միության անդամ երկրի պետական կառավարման լիազոր մարմին
1. Մեկանգամյա լիցենզիա N 2. Գործողության ժամկետը
3. Մեկանգամյա լիցենզիայի տեսակը
ՆԵՐՄՈՒԾՈՒՄ 4. Պայմանագիր կամ հաշիվ-ապրանքագիր
N
առ
5. Հայտատուն 6. Վաճառողը
7. Ուղարկող երկիրը 8. Վաճառողի երկիրը
9. Պայմանագրով նախատեսված տարադրամը 10. Արժեքը 11. Վիճակագրական
արժեքը
12. Ծագման երկիրը 13. Ծավալը 14. Չափի միավորը
15. Ապրանքի ծածկագիրը և նկարագրությունը` ըստ ԵԱՏՄ ԱՏԳ ԱԱ-ի
16. Լրացուցիչ տեղեկատվություն
17. Լիցենզիան տալու հիմքը 18. Լիազորված անձ
Անունը, հայրանունը, ազգանունը
Պաշտոնը
Ստորագրությունը և կնիքը
_____ _____________ 201 թ.
Հայաստանի Հանրապետության
կառավարության աշխատակազմի
ղեկավար-նախարարի առաջին
տեղակալ Գ. Դումանյան