«Գրանցված է»
ՀՀ արդարադատության
նախարարության կողմից
9 հունիսի 2015 թ.
Պետական գրանցման թիվ 11315212
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՊԱՇՏՊԱՆՈՒԹՅԱՆ ՆԱԽԱՐԱՐ
10 մարտի 2015 թ. N 4-Ն ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
7 ապրիլի 2015 թ. N 10-Ն
ք. Երևան
Հ Ա Մ Ա Տ Ե Ղ Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՍԵՊՏԵՄԲԵՐԻ 19-Ի N 1047-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՍԵՊՏԵՄԲԵՐԻ 27-Ի N 55-Ն ՀԱՄԱՏԵՂ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Ի կատարումն Հայաստանի Հանրապետության կառավարության 2013 թվականի հուլիսի 25-ի N 806-Ն որոշման 4-րդ կետի և 2014 թվականի նոյեմբերի 19-ի N 1304-Ն որոշման 2-րդ կետի`
ՀՐԱՄԱՅՈՒՄ ԵՆՔ՝
1. Հայաստանի Հանրապետության պաշտպանության նախարարի 2013 թվականի սեպտեմբերի 19-ի և Հայաստանի Հանրապետության առողջապահության նախարարի 2013 թվականի սեպտեմբերի 27-ի «Հայաստանի Հանրապետության պաշտպանության նախարարության համակարգի զինծառայողներին և նրանց հավասարեցված անձանց, նրանց ընտանիքների անդամներին պետության կողմից երաշխավորված անվճար բժշկական օգնության և սպասարկման ուղեգրման կարգը հաստատելու մասին» N 1047-Ն/55-Ն համատեղ հրամանի հավելվածում կատարել հետևյալ փոփոխությունները և լրացումները.
1) 2-րդ կետում «հոսպիտալները» բառից հետո լրացնել «(Հայաստանի Հանրապետության պաշտպանության նախարարության կենտրոնական պոլիկլինիկան)» բառերը,
2) 3-րդ կետի 5-րդ ենթակետում «զոհված» բառից առաջ լրացնել «Հայաստանի Հանրապետության պաշտպանության ժամանակ, ինչպես նաև ծառայողական պարտականությունները կատարելիս» բառերը, իսկ «(մարտական գործողությունների մասնակցի կամ երկրապահ կամավորականի կարգավիճակ ունեցողների)» բառերը հանել,
3) 5-րդ կետի`
ա. առաջին նախադասությունում «հոսպիտալ» բառից հետո լրացնել «(պոլիկլինիկա)» բառը, իսկ «13-րդ կետում» բառերը փոխարինել «16-րդ կետում» բառերով,
բ. երկրորդ նախադասությունում «հոսպիտալի» բառից հետո լրացնել «(կենտրոնական պոլիկլինիկայի)» բառերը,
4) 7-րդ կետում «2-րդ կետի 2-րդ կետում» բառերը փոխարինել «2-րդ կետի 2-րդ ենթակետում» բառերով,
5) 8-րդ և 9-րդ կետերում «14-րդ կետի» բառերը փոխարինել «17-րդ կետի» բառերով,
6) 10-րդ կետում «14-րդ կետի 1-ին ենթակետի «բ», «գ» բառերը փոխարինել «17-րդ կետի 1-ին ենթակետի «բ» բառերով,
7) 14-րդ կետից հետո լրացնել նոր` 15-րդ կետ` հետևյալ բովանդակությամբ. «Հայաստանի Հանրապետության մարզերում համապատասխան գերատեսչական մարմնի կամ տվյալ տարածաշրջանի գերատեսչական բժշկական հիմնարկի բացակայության դեպքում` Հայաստանի Հանրապետության պաշտպանության ժամանակ, ինչպես նաև ծառայողական պարտականությունները կատարելիս զոհված (մահացած) զինծառայողների ընտանիքների անդամները, Հայաստանի Հանրապետության պաշտպանության մարտական գործողությունների մասնակիցները, այդ թվում` երկրապահ կամավորականները և նրանց ընտանիքների անդամները, ժամկետային պարտադիր զինվորական ծառայության շարքային և կրտսեր ենթասպայական կազմի զինծառայողների ընտանիքների անդամները, երկարամյա ծառայության կամ հաշմանդամության զինվորական կենսաթոշակ ստացող նախկին զինծառայողները բժշկական օգնություն ու սպասարկում կարող են ստանալ նաև քաղաքացուն սպասարկող ամբուլատոր-պոլիկլինիկական բժշկական կազմակերպության կողմից տրված ուղեգրի հիման վրա:»:
ՀՀ պաշտպանության նախարար
Ս. Օհանյան ՀՀ առողջապահության նախարար
Ա. Մուրադյան