Հոդված 204.16. Բողոքի պատասխանը

Հոդված 204.16 . Բողոքի պատասխանը

1. Գործին մասնակցող անձինք բողոքն ստանալուց հետո` հնգօրյա ժամկետում, դատարան են ներկայացնում բողոքի վերաբերյալ պատասխանը:

2. Պատասխանում նշվում են`

1) դատարանի անվանումը.

2) պատասխան ներկայացրած անձի անունը, ազգանունը (անվանումը) և դատավարական կարգավիճակը.

3) բողոքի վերաբերյալ առարկությունները և դրանց հիմնավորումները.

4) պատասխանին կցվող փաստաթղթերի ցանկը:

Պատասխանում կարող են նշվել նաև այլ տեղեկություններ, ինչպես նաև պատասխանողի միջնորդությունները:

3. Պատասխանն ստորագրում է այն ներկայացրած անձը կամ նրա ներկայացուցիչը: Ներկայացուցչի ստորագրած պատասխանին կցվում է գործը վարելու` նրա լիազորությունները հավաստող լիազորագիրը:

(Վերնագիրը փոփ. 26.12.08 ՀՕ-233-Ն)

(204.16 հոդվածը լրաց. 28.11.07 ՀՕ-277-Ն)