Հոդված 130

Հոդված 130.

Բյուջեի մասին օրենքի նախագծի քննարկումն Ազգային ժողովի նիստում սկսվում է ոչ ուշ, քան բյուջետային տարվան նախորդող դեկտեմբեր ամսվա առաջին եռօրյա նիստում:

Ազգային ժողովի նախագահը բյուջեի մասին օրենքի նախագիծը ստանալուց հետո երկօրյա ժամկետում այն ուղարկում է պատգամավորներին, Ազգային ժողովի մշտական հանձնաժողովներ և Ազգային ժողովի վերահսկիչ պալատ:

Նախագծի նախնական քննարկումները տեղի են ունենում հանձնաժողովներում և հանձնաժողովների համատեղ նիստերում, որոնց մասնակցում են նաև կառավարության անդամներ և ներկայացուցիչներ:

Հանձնաժողովներում և հանձնաժողովների համատեղ նիստերում քննարկումների անցկացման ժամանակացույցը կազմում է Ազգային ժողովի նախագահը` խորհրդակցելով վարչապետի և Ազգային ժողովի հանձնաժողովների նախագահների հետ: