ՀՀ ՓՈԽՎԱՐՉԱՊԵՏԻ ՈՐՈՇՈՒՄԸ «ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ» ԿՐՈՆԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՎԱՐՉԱԿԱՆ ՆՈՐ ՇԵՆՔԻ ԿԱՌՈՒՑՈՒՄ ԵՎ ՀԱՐԱԿԻՑ ՇԵՆՔԵՐԻ ՎԵՐԱԿԱՌՈՒՑՈՒՄ» ԾՐԱԳՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

10 հոկտեմբերի 2020 թվականի N 618-Ա

«ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ» ԿՐՈՆԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՎԱՐՉԱԿԱՆ ՆՈՐ ՇԵՆՔԻ ԿԱՌՈՒՑՈՒՄ ԵՎ ՀԱՐԱԿԻՑ ՇԵՆՔԵՐԻ ՎԵՐԱԿԱՌՈՒՑՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Հայաստանյայց առաքելական սուրբ եկեղեցի» կրոնական կազմակերպության կողմից (ՀՎՀՀ՝ 04703401) իրականացվող՝ 3,052,665,280 դրամ ընդհանուր արժողությամբ «Մայր Աթոռ Սուրբ Էջմիածնի վարչական նոր շենքի կառուցում և հարակից շենքերի վերակառուցում» ծրագիրը՝ համաձայն հավելվածի:

(1-ին կետը փոփ. 08.07.22 N 491-Ա)

2. «Հայաստանյայց առաքելական սուրբ եկեղեցի» կրոնական կազմակերպությանը՝ ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության

փոխվարչապետ Տ. Ավինյան

2020 թ. հոկտեմբերի 10

Երևան

Հավելված

ՀՀ փոխվարչապետի 2020 թ.

հոկտեմբերի 10-ի N 618-Ա

որոշման

ԾՐԱԳԻՐ

«ՄԱՅՐ ԱԹՈՌ ՍՈՒՐԲ ԷՋՄԻԱԾՆԻ ՎԱՐՉԱԿԱՆ ՆՈՐ ՇԵՆՔԻ ԿԱՌՈՒՑՈՒՄ ԵՎ ՀԱՐԱԿԻՑ ՏԱՐԱԾՔՆԵՐԻ ԲԱՐԵԿԱՐԳՈՒՄ»

1 Ծրագրի նպատակը Ծրագրի նպատակն է Հայաստանյայց Առաքելական Սուրբ Եկեղեցու տարածքում կառուցել վարչական նոր շենք և բարեկարգել շենքին հարակից տարածքը:

Քանի որ Հայաստանյայց Առաքելական Սուրբ Եկեղեցին ունի բազմամարդ պաշտոնեություն և

ունի գրասենյակային անհարմար պայմաններ, ծրագրի գլխավոր նպատակն է բարելավել վերջիններիս աշխատանքային պայմանները:

2. Ծրագրի բարեգործական որակման

նպատակները Նախատեսվում է ծրագրի շրջանակներում, օրենքով սահմանված կարգով օգտվել ՀՀ հարկերի,

տուրքերի, պարտադիր վճարների գծով օրենքով սահմանված արտոնություններից:

3. Բարեգործը (բարեգործները) Հայկական Բարեգործական Ընդհանուր Միություն

4. Ծրագրի կատարողը Հայաստանյայց Առաքելական Սուրբ Եկեղեցի, ՀՎՀՀ 04703401:

5. Ծրագրի իրականացման վայրը և

բնագավառը Հայաստանյայց Առաքելական Սուրբ Եկեղեցի: Հոգևոր բնագավառ:

6. Ծրագրի բյուջեն 3.052.665.280 դրամ

7. Բարեգործություն ստացողը Հայ Առաքելական Սուրբ Եկեղեցի

8. Ծրագրի իրականացման

տևողությունը 10 հոկտեմբեր, 2020 թ. - 31 դեկտեմբեր, 2023 թ.

9. Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը Ծրագրի իրականացման ընթացքում նախատեսվում է Հայաստանյայց Առաքելական Սուրբ Եկեղեցու տարածքում կառուցել վարչական շենք և բարեկարգել շենքին հարակից տարածքը:

1. Հողային աշխատանքներ և քանդման աշխատանքներ - 62.288.480 դրամ:

2. Հիմքերի և պատերի ամրանավորման և բետոնային ու քարային աշխատանքներ - 834.408.690 դրամ:

3. Շենքի տանիքային աշխատանքներ - 287.858.360 դրամ:

4. Շենքի ինժեներական ցանցեր և հարդարման աշխատանքներ - 479.471.570 դրամ:

5. Հարդարում, դուռ, պատուհան և վերելակ - 456.650.400 դրամ:

6. Տարածքի բարեկարգում և հարակից կառույցների վերակառուցում - 181.987.780 դրամ:

7. Շենքի կահավորում - 350.000.000 դրամ:

Ներմուծվող նյութերի և սարքավորումների արժեքը կազմում է 400.000.00 դրամ:

1․Պղինձ տանիքի համար - 122․255․080 դրամ

2․Օդափոխության սարքավորումներ - 101․420․520 դրամ 3․ Ամրան - 146․001․300 դրամ

4․Վերելակ - 30․323․100 դրամ

Աշխատանքների արժեքը կազմում է 2.652.665.280 դրամ:

Ծրագրի իրականացման ժամկետը՝ 10 հոկտեմբեր, 2020 թ. - 31 դեկտեմբեր, 2023 թ.

10. Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը Ծրագրի իրականացման ընթացքում նախատեսվում է Հայաստանյայց Առաքելական Սուրբ Եկեղեցու տարածքում վարչական շենքի կառուցում:

Ծրագրի ընդհանուր գումարը կազմում է 3.052.665.280 ՀՀ դրամ:

Ներմուծվող նյութերի և սարքավորումների արժեքը կազմում է 400.000.000 դրամ:

Աշխատանքների արժեքը կազմում է 2.652.665.280 դրամ:

Ծրագրի իրականացման ժամկետը՝ 10 հոկտեմբեր, 2020 թ. - 31 դեկտեմբեր, 2023 թ.

11. Ծրագրի իրականացման հետ

կապված կազմակերպական ծախսերը նախատեսված չեն

12. Համագործակցությունը պետական կառավարման, տեղական ինքնակառավարման մարմինների և

այլ կազմակերպությունների հետ չի նախատեսվում

13. Ծրագրի արդյունավետության նկատմամբ վերահսկողության մեխանիզմների նկարագրություն Նախատեսվում է տեխնիկական հսկողություն՝ ՀՀ կառավարության 2003 թ. հունվարի 16-ի

N 66-ն որոշմամբ հաստատված` բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով

(հավելվածը խմբ. 08.07.22 N 491-Ա)

Հայաստանի Հանրապետության

փոխվարչապետ Տ. Ավինյան