Հոդված 2. Կողմերի պարտավորությունները

Հոդված 2. Կողմերի պարտավորությունները

2.1. Կենտրոնական բանկը պարտավորվում է բանկի թղթակցային հաշվում առկա գումարի սահմաններում բանկին անվճար կանխիկ դրամ տրամադրել ոչ ուշ, քան կանխիկ դրամի պահանջի վերաբերյալ բանկի ներկայացրած հայտի ստացման օրվան հաջորդող բանկային օրը, եթե այլ բան նշված չէ հայտում:

2.2. Բանկը պարտավորվում է ՀՀ կենտրոնական բանկ հանձնել միայն իր կողմից փաթեթավորված կանխիկ դրամ:

2.3. Կենտրոնական բանկը պարտավորվում է բանկին տրամադրել միայն ՀՀ կենտրոնական բանկի փաթեթավորմամբ, ինչպես նաև գործարանային փաթեթավորմամբ կանխիկ դրամ:

2.4. Կանխիկ դրամով գործառնություններ իրականացնելիս բանկը պարտավոր է առաջնորդվել ՀՀ ԿԲ «Հայաստանի Հանրապետության տարածքում գործող բանկերում կանխիկ դրամով կատարվող գործառնությունները» կանոնակարգով: