Հոդված 27. Արդյունաբերական արտադրության ու նորարարության ոլորտում արդյունաբերական քաղաքականության օբյեկտների աջակցությունը
Հոդված 27. Արդյունաբերական արտադրության ու նորարարության ոլորտում արդյունաբերական քաղաքականության օբյեկտների աջակցությունը
1. Պետական կառավարման մարմինների կողմից արդյունաբերական քաղաքականության օբյեկտների արդյունաբերական արտադրության ու նորարարության ոլորտում աջակցությունն իրականացվում է հետևյալ ձևերով.
1) արդյունաբերական քաղաքականության օբյեկտների գործունեությանը նպաստող կազմակերպությունների (ներառյալ` տեխնոպարկեր, տեխնոլոգիաների առևտրայնացման կենտրոններ, գիտաարտադրական տարածքներ) ստեղծում ու դրանց գործունեության ապահովում.
2) հայտնագործությունների, գիտական նվաճումների պատենտավորման աջակցություն, ինչպես նաև արդյունաբերական քաղաքականության օբյեկտների կողմից ստեղծված այլ մտավոր արդյունքների պետական գրանցում և հեղինակային իրավունքի պաշտպանություն.
3) արդյունաբերական քաղաքականության օբյեկտների համար արդյունաբերական արտադրության ու նորարարության ոլորտում ենթակապալի պայմանագրեր կնքելու համար նպաստավոր պայմանների ստեղծում: