Հոդված 22. ՔԱՂԱՔԱՑԻԱԿԱՆ և ԾԱՌԱՅՈՂԱԿԱՆ ԶԵՆՔ և ԴՐԱՆՑ ՓԱՄՓՈՒՇՏՆԵՐ ՊԱՀԵԼԸ

գործել է մինչև 2008-06-14Բացել ARLIS-ում

Քաղաքացիական և ծառայողական զենք և դրանց փամփուշտները պահել թույլատրվում է ներքին գործերի համապատասխան մարմնում զենք պահելու կամ պահելու և կրելու թույլտվություն ստացած իրավաբանական անձանց ու քաղաքացիներին` սահմանված կարգով:

Օտարերկրյա քաղաքացիներին Հայաստանի Հանրապետությունում սահմանված կարգով ձեռք բերված քաղաքացիական և ծառայողական զենք թույլատրվում է պահել ոչ ավելի, քան հինգ օր:

Իրավաբանական անձանց և քաղաքացիներին արգելվում է իրենց գտած կամ այլ անձանցից անօրինական իրենց փոխանցված հրազենը պահելը կամ օգտագործելը: Նշված զենքն անհապաղ պետք է հանձնվի մոտակա ներքին գործերի մարմին:

Զենքը պահվում է այնպիսի պայմաններում, որ ապահովվի դրա պահպանությունը, անվտանգությունը և բացառվի կողմնակի անձանց ձեռքն ընկնելու հնարավորությունը:

Զենքը պահելու պայմաններին վերաբերող պահանջները սահմանում է Հայաստանի Հանրապետության կառավարությունը:

Հոդված 22. ՔԱՂԱՔԱՑԻԱԿԱՆ և ԾԱՌԱՅՈՂԱԿԱՆ ԶԵՆՔ և ԴՐԱՆՑ ՓԱՄՓՈՒՇՏՆԵՐ ՊԱՀԵԼԸ

Underscore-ի հետ