ՀՀ ՕՐԵՆՔԸ «ՊԵՏԱԿԱՆ ՏՈՒՐՔԻ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» 1997 թվականի դեկտեմբերի 27-ի ՀՕ-186 օրենքի 19-րդ հոդվածում՝

1) 12-րդ բաժնի 12.4-րդ կետը շարադրել հետևյալ խմբագրությամբ.

«12.4. Շրջակա միջավայրի վրա ազդեցության փորձաքննություն.

1. փորձաքննության գործընթացի իրականացման համար՝

ա) նախատեսվող գործունեության Ա կատեգորիայի տեսակների փաստաթղթերի փորձաքննության համար՝ բազային տուրքի 1000-ապատիկի չափով, բացառությամբ ոչ մետաղական օգտակար հանածոների արդյունահանման կամ հանքանյութի վերամշակման, որի համար՝ բազային տուրքի 500-ապատիկի չափով

բ) նախատեսվող գործունեության Բ կատեգորիայի տեսակների փաստաթղթերի փորձաքննության համար՝ բազային տուրքի 300-ապատիկի չափով

2. հայտի ուսումնասիրության համար՝ բազային տուրքի 15-ապատիկի չափով».

2) 12-րդ բաժինը լրացնել հետևյալ բովանդակությամբ 12.6-րդ կետով.

«12.6. Շրջակա միջավայրի վրա ազդեցության գնահատման կամ

ռազմավարական էկոլոգիական գնահատման հաշվետվության

մշակման լիցենզիայի տրամադրման համար՝ բազային տուրքի

30-ապատիկի չափով»: