Հոդված 8. Վարձու աշխատողին տրվող հիվանդության նպաստը

Հոդված 8. Վարձու աշխատողին տրվող հիվանդության նպաստը

1. Վարձու աշխատողին հիվանդության նպաստ տրվում է ժամանակավոր անաշխատունակության թերթիկով վավերացված ժամանակավոր անաշխատունակության ժամանակահատվածի օրացուցային օրերի համար` սկսած առաջին օրացուցային օրվանից:

2. Տևական հիվանդության դեպքում վարձու աշխատողները անաշխատունակության թերթիկի ժամկետը երկարաձգելու նպատակով ֆունկցիոնալության գնահատման են ուղեգրվում անաշխատունակությունը սկսելու օրից 3 ամսից ոչ ուշ: Եթե անձի ֆունկցիոնալությունը գնահատող հանձնաժողովի որոշման համաձայն վարձու աշխատողը շարունակում է դեռևս մնալ անաշխատունակ, ապա հիվանդության նպաստ ստանալու նրա իրավունքը կարող է շարունակվել, բայց ոչ ավելի, քան մինչև 3 ամիս ժամկետով կամ մինչև օրենքով սահմանված կարգով աշխատանքից ազատվելը:

(8-րդ հոդվածը փոփ. 27.05.21 ՀՕ-242-Ն, փոփ., լրաց. 04.05.22 ՀՕ-125-Ն, փոփ. 27.03.25 ՀՕ-73-Ն)

(27.05.21 ՀՕ-242-Ն օրենքն ունի անցումային դրույթ)

(27.03.25 ՀՕ-73-Ն օրենքն ունի անցումային դրույթ)