Հոդված 12.1. Ծանուցում ներկայացրած անձանց գործունեության կասեցումը և դադարեցումը
Հոդված 12.1. Ծանուցում ներկայացրած անձանց գործունեության կասեցումը և դադարեցումը
1. Կարգավորողն իրավասու է կասեցնել ծանուցում ներկայացրած անձանց գործունեությունը ծանուցված գործունեության մասով, եթե`
1) ծանուցում ներկայացրած անձը կեղծ տեղեկություն է ներկայացրել ծանուցման կամ Կարգավորողին տրամադրված ցանկացած հայտարարության մեջ.
2) ծանուցում ներկայացրած անձը խախտել է սույն օրենքը կամ դրա համաձայն ընդունված որևէ կանոն կամ կանոնակարգ.
3) կասեցումն անհրաժեշտ է ազգային անվտանգության կամ հանրային շահի նկատառումներով.
4) ծանուցում ներկայացրած անձը չի կատարել համընդհանուր ծառայությունների որևէ վճարում:
2. Կարգավորողն իրավասու է դադարեցնել ծանուցում ներկայացրած անձանց գործունեությունը ծանուցված գործունեության մասով, եթե`
1) ծանուցած անձը խախտել է կամ չի կատարել սույն օրենքի 60-րդ հոդվածի համաձայն տրված դադարեցման մասին հրահանգը.
2) դադարեցումն անհրաժեշտ է ազգային անվտանգության կամ հանրային շահի նկատառումներով:
(12.1-ին հոդվածը լրաց. 29.04.13 ՀՕ-47-Ն, փոփ. 18.11.21 ՀՕ-368-Ն)