Գլուխ 5.1 · (գլուխը լրաց. 03.06.21 ՀՕ-277-Ն)
Հոդված 45.2. Արտադրական կանեփի օրինական շրջանառությունը
Հոդված 45.2. Արտադրական կանեփի օրինական շրջանառությունը
1. Հայաստանի Հանրապետությունում թույլատրվում է արտադրական կանեփի օրինական շրջանառությունը սույն օրենքով սահմանված նպատակներով և գործողությունների շրջանակներում՝ համապատասխան լիցենզիայի առկայության դեպքում:
2. Արտադրական կանեփի հետ կապված գործունեության իրականացման համար տրվում են «Լիցենզավորման մասին» օրենքով սահմանված արտադրական կանեփի արտադրության, ինչպես նաև արտադրական կանեփի ներմուծման, արտահանման կամ մեծածախ առևտրի լիցենզիաներ:
3. Արգելվում է արտադրական կանեփի արտադրությունը անձնական օգտագործման նպատակով: