Հոդված 81. Ընկերության և հաճախորդների հարաբերությունները
Հոդված 81. Ընկերության և հաճախորդների հարաբերությունները
1. Հայաստանի Հանրապետության տարածքում գործող Ընկերությունը և օտարերկրյա Ընկերության` Հայաստանի Հանրապետութան տարածքում գործող մասնաճյուղը պարտավոր են նախքան ապահովագրության պայմանագիր կնքելը՝
1) հաճախորդին հայտնել իրենց գտնվելու վայրը և հեռախոսահամարը, կազմակերպաիրավական ձևը, իսկ եթե ապահովագրությունն իրականացվում է մասնաճյուղի միջոցով՝ մասնաճյուղի հասցեն, հեռախոսահամարը.
2) վերահսկող մարմնի հասցեն և հեռախոսահամարը.
3) հաճախորդին հայտնել ապահովագրության այն տեսակները, որոնցով Ընկերությունը կնքում է ապահովագրության պայմանագրեր և հղում կատարել լիցենզիայի համապատասխան գործունեությամբ զբաղվելու իրավունք տվող կետին.
4) ապահովագրության պայմանագիրը ձևակերպել այնպես, որ այն համապատասխանի հաճախորդի կողմից ապահովագրման ենթակա ռիսկերի բնույթին և ծածկի դրանք.
5) հաճախորդին գրավոր ներկայացնել և բանավոր բացատրել ապահովագրության պայմանագրի բոլոր էական պայմանները.
6) հաճախորդին գրավոր ներկայացնել ապահովագրական պատահարի առաջացման դեպքում ապահովագրական հատուցման կարգն ու պայմանները:
7) իրականացնել «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» Հայաստանի Հանրապետության օրենքով նախատեսված այլ պարտականություններ:
2. Ընկերության և հաճախորդների փոխհարաբերությունները կրում են պայմանագրային բնույթ:
3. Ընկերությունը պարտավոր է իր գործունեության այնպիuի կանոններ uահմանել, որ ապահովվեն ապահովադիրների համար հավասար պայմաններ և բացառվի շահերի բախումը, մաuնավորապեu՝
1) մեկ հաճախորդի նկատմամբ Ընկերության uտանձնած պարտավորությունները չհակաuեն մեկ այլ հաճախորդի նկատմամբ նրա uտանձնած պարտավորություններին.
2) Ընկերության ղեկավարների և աշխատակիցների շահերը չհակաuեն Ընկերության հաճախորդի նկատմամբ Ընկերության uտանձնած պարտավորություններին:
4. Ընկերություններին արգելվում է որպես հաճախորդի հետ ապահովագրության պայմանագիր կնքելու պայման նախատեսել (բանավոր կամ գրավոր ձևով)՝ տվյալ հաճախորդին այլ ապահովագրական ծառայությունների մատուցումը բացառապես իր կամ իր մատնանշած անձի կողմից:
5. Ընկերությունը պարտավոր է հաճախորդների պահանջով վերջինիս ներկայացնել հրապարակման ենթակա տեղեկությունները, բացառությամբ oրենքով նախատեսված դեպքերի:
6. Սույն հոդվածով uահմանված պահանջները խախտելու, ինչպեu նաև ակնհայտ կեղծ կամ ապակողմնորոշող տեղեկություններ տրամադրելու համար Ընկերությունը պատաuխանատվություն է կրում oրենքով uահմանված կարգով:
(81-րդ հոդվածը լրաց. 18.05.10 ՀՕ-64-Ն)