Հոդված 7.10. Վարչապետի սպասարկումը պաշտոնաթողությունից հետո

Հոդված 7.10. Վարչապետի սպասարկումը պաշտոնաթողությունից հետո

1. Պաշտոնաթող վարչապետին տրամադրվում են ավտոտրանսպորտ և իր ցանկությամբ՝ կահավորված գրասենյակ:

2. Պաշտոնաթող վարչապետի գրասենյակի գործունեության ապահովման համար տրամադրվում է ոչ ավելի, քան երեք հաստիքային միավոր:

3. Պաշտոնաթող վարչապետի գրասենյակի գործունեության ֆինանսավորումն իրականացվում է Կառավարության սահմանած կարգով:

4. Պաշտոնաթող վարչապետի` մեկ տարվա ընթացքում այլ պետություններ կատարվող ոչ ավելի, քան 20 օր ընդհանուր տևողությամբ այցի ծախսերը (այդ թվում՝ պետական պահպանության հետ կապված՝ պաշտոնաթող վարչապետի այցի ժամանակ նրան պետական պահպանություն տրամադրելու նպատակով Պետական պահպանության ծառայության զինծառայողների՝ օտարերկրյա պետություններ գործուղման ծախսերը) հատուցվում են պետական բյուջեի միջոցների հաշվին:

(7.10-րդ հոդվածը լրաց. 23.12.22 ՀՕ-619-Ն)

(հոդվածի 3-րդ մասն ուժի մեջ է մտնում նույն մասով նախատեսված համապատասխան ենթաօրենսդրական նորմատիվ իրավական ակտն ուժի մեջ մտնելու պահից` համաձայն 23.12.22 ՀՕ-619-Ն օրենքի 6-րդ հոդվածի 1-ին մասի)

(23.12.22 ՀՕ-619-Ն օրենքն ունի եզրափակիչ մաս և անցումային դրույթներ)