Հոդված 4
Հոդված 4
1. Ավտոմոբիլային ճանապարհներով փոխադրումներ կատարելիս անդամ պետությունները պետք է ձգտեն, որ տրանսպորտային միջոցների եզրաչափերը, զանգվածները և տրանսպորտային միջոցների սռնու կամ սռնիների խմբի վրա ընկնող զանգվածները չգերազանցեն սույն համաձայնագրով և անդամ պետությունների օրենսդրությամբ սահմանված արժեքները:
2. Սույն համաձայնագրի թիվ 1-ից թիվ 3 հավելվածներում նշված թույլատրելի զանգվածի, սռնու բեռնվածության և եզրաչափային արժեքները գերազանցելու դեպքում, իսկ անդամ պետությունների օրենսդրությամբ սույն համաձայնագրի 3-րդ հոդվածի 2-րդ կետի համաձայն այլ արժեքներ սահմանվելու դեպքում տվյալ արժեքները գերազանցելիս ավտոմոբիլային ճանապարհներով տրանսպորտային միջոցի երթևեկության համար պահանջվում է հատուկ թույլտվության առկայություն։
3. Անդամ պետությունների օրենսդրությամբ կարող են սահմանվել անբաժանելի չհանդիսացող բեռով ծանրաքաշ և (կամ) խոշորաեզրաչափ տրանսպորտային միջոցների երթևեկության՝ սույն հոդվածի 2-րդ կետում նշված հատուկ թույլտվությունների տրամադրման սահմանափակումներ: