Հոդված 1
Հոդված 1.
Հայաստանի Հանրապետության պետական գույքի մասնավորեցման նպատակները և հիմնական խնդիրները
Հայաստանի Հանրապետության պետական գույքի (այսուհետ` պետական գույք) մասնավորեցման սույն ծրագրի (այսուհետ` ծրագիր) հիմնական նպատակներն են`
- տնտեսության մասնավորեցման աստիճանը բարձրացնելը.
- ընկերությունների (ձեռնարկությունների) գործունեության արդյունավետությունը բարձրացնելը.
- պետական գույքի մասնավորեցման գործընթացը հիմնականում ավարտելը.
- պետական գույքի մասնավորեցման մեթոդները զարգացնելը, այդ թվում` մրցույթներն ավելի լայն կիրառելը` առավելագույնս խրախուսելով ներդրումները և ընկերությունների (ձեռնարկությունների) վաճառքը ռազմավարական ներդրողներին.
- պետական գույքի մասնավորեցումից ստացված միջոցների հաշվին պետական բյուջեի եկամուտներն ավելացնելը: