Հոդված 5. Անհատական (ընտանեկան) ձեռնարկության գույքի նկատմամբ սեփականության իրավունքը
Հոդված 5. Անհատական (ընտանեկան) ձեռնարկության գույքի նկատմամբ սեփականության իրավունքը
Անհատական (ընտանեկան) ձեռնարկությունն իր սեփականատիրոջից (սեփականատերերից) առանձնացված գույք չունի:
Անհատական ձեռնարկության գույքը պատկանում է անհատական ձեռնարկության սեփականատիրոջը` անձնական սեփականության իրավունքով:
Ընտանեկան ձեռնարկության գույքը պատկանում է ընտանիքի անդամներին (սեփականատերերին)` համատեղ սեփականության իրավունքով:
Անհատական (ընտանեկան) ձեռնարկության սեփականատերը (սեփականատերերը) լիակատար գույքային պատասխանատվություն է կրում անհատական (ընտանեկան) ձեռնարկության ստանձնած պարտավորությունների համար:
Անհատական (ընտանեկան) ձեռնարկության սեփականատիրոջ (սեփականատերերի) պարտավորությունների կատարումն ապահովվում է նաև այդ ձեռնարկության գույքով:
Անհատական (ընտանեկան) ձեռնարկության գույքը կարող է բռնագրավվել միայն դատական կարգով: