Հոդված 5. Մեղվաընտանիքների և մեղվանոցների քանակը, հաշվառումն ու գրանցումը

Հոդված 5. Մեղվաընտանիքների և մեղվանոցների քանակը, հաշվառումն ու գրանցումը

1. Ֆիզիկական և իրավաբանական անձանց համար մեղվաընտանիքների և մեղվանոցների թիվը չի սահմանափակվում, բացառությամբ սույն հոդվածի 2-րդ մասով նախատեսված դեպքի:

2. Հայաստանի Հանրապետության քաղաքային համայնքներում ֆիզիկական և իրավաբանական անձանց համար լիազոր մարմինը կարող է սահմանել մեղվաընտանիքների և մեղվանոցների առավելագույն թիվը` ելնելով մեղրատու մեղուների խնամքի պայմաններից, անասնաբուժասանիտարական և քաղաքաշինական կանոններից:

3. Անասնաբուժասանիտարական կանոնները սահմանում է առողջապահության բնագավառի պետական լիազորված մարմինը: