Ա Ր Ձ Ա Ն Ա Գ Ր ՈՒ Թ Յ ՈՒ Ն
1993 թվականի սեպտեմբերի 24-ի Քարածխի և մետաղի Եվրասիական միջպետական միավորում ստեղծելու մասին Համաձայնագրի գործողության դադարեցման մասին
1993 թվականի սեպտեմբերի 24-ի Քարածխի և մետաղի Եվրասիական միջպետական միավորում ստեղծելու մասին Համաձայնագրի մասնակից պետությունները հիմնվելով Քարածխի և մետաղի Եվրասիական միջպետական միավորման մասին ԱՊՀ պետությունների ղեկավարների Խորհրդի 2002 թվականի հոկտեմբերի 7-ի որոշման վրա,
համաձայնեցին ներքոհիշյալի մասին.
Հ ո դ վ ա ծ 1
Համարել 1993 թվականի սեպտեմբերի 24-ի Քարածխի և մետաղի Եվրասիական միջպետական միավորում ստեղծելու մասին Համաձայնագրի գործողությունը դադարեցված:
Հ ո դ վ ա ծ 2
Սույն Արձանագրությունը ուժի մեջ է մտնում ստորագրման օրվանից, իսկ այն պետությունների համար, որոնց օրենսդրությունը Համաձայնագրի ուժի մեջ մտնելու համար պահանջում է ներպետական ընթացակարգեր՝ ավանդապահին համապատասխան փաստաթղթերը ի պահ տալու օրվանից:
Կատարված է Յալթա քաղաքում 2003 թվականի սեպտեմբերի 19-ին, մեկ բնօրինակով, ռուսերեն: Բնօրինակը պահվում է Անկախ Պետությունների Համագործակցության Գործադիր կոմիտեում, որը սույն Համաձայնագիրը ստորագրած յուրաքանչյուր պետության կուղարկի նրա վավերացված պատճենը:
*Արձանագրությունը Հայաստանի Հանրապետության համար ուժի մեջ է մտել 2003 թվականի սեպտեմբերի 19-ից: