Հոդված 18. Օրենսգրքի 126-րդ հոդվածում`

Հոդված 18. Օրենսգրքի 126-րդ հոդվածում`

1) 1-ին մասում`

ա. դիսպոզիցիայի «վեցերորդ» բառը փոխարինել «հինգերորդ» բառով,

բ. սանկցիայի «հարյուրհիսնապատիկի» բառը փոխարինել «քսանիննապատիկի» բառով, իսկ նույն մասը «չափով» բառից հետո լրացնել «, տուգանային միավորի կիրառում` 4 միավոր» բառերով.

2) լրացնել հետևյալ բովանդակությամբ 1.1-ին մասով.

«1.1. Ընդհանուր օգտագործման տրանսպորտային միջոցը կամ թեթև մարդատար-տաքսի ավտոմոբիլը ոչ սթափ վիճակում վարելը, եթե վարորդը միայն ալկոհոլի ազդեցության տակ է, և զանցանքը չի պարունակում սույն հոդվածի երկրորդից չորրորդ մասերի հատկանիշները`

առաջացնում է տրանսպորտային միջոցներ վարելու իրավունքից զրկում` վեց ամիս ժամկետով:».

3) 2-րդ մասի սանկցիան շարադրել հետևյալ խմբագրությամբ.

«առաջացնում է տրանսպորտային միջոցներ վարելու իրավունքից զրկում` մեկ տարի ժամկետով:».

4) 3-րդ մասի սանկցիայի «մեկ» բառը փոխարինել «երկու» բառով.

5) 4-րդ մասի սանկցիան շարադրել հետևյալ խմբագրությամբ.

«առաջացնում է տրանսպորտային միջոցներ վարելու իրավունքից զրկում` երկու տարի ժամկետով:».

6) 5-րդ մասի դիսպոզիցիայից հանել «, երկրորդ կամ չորրորդ» բառերը.

7) 6-րդ և 7-րդ մասերն ուժը կորցրած ճանաչել.

8) 9-րդ մասի «0.4 գրամից» բառերը փոխարինել «0.2 գրամից» բառերով, իսկ «0.2 միլիգրամից» բառերը` «0.1 միլիգրամից» բառերով: