Հոդված 39. Փաստաբանին պատասխանատվության ենթարկելու հիմքերը

Հոդված 39. Փաստաբանին պատասխանատվության ենթարկելու հիմքերը

(վերնագիրը փոփ. 21.06.14 ՀՕ-121-Ն)

1. Փաստաբանը ենթակա է կարգապահական պատասխանատվության սույն օրենքի և փաստաբանի վարքագծի կանոնագրքի պահանջները խախտելու համար, իսկ «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի կամ դրա հիման վրա ընդունված նորմատիվ իրավական ակտերի և «Անկանխիկ գործառնությունների մասին» Հայաստանի Հանրապետության օրենքի կամ դրա հիման վրա ընդունված նորմատիվ իրավական ակտերի պահանջները խախտելու համար` կարգապահական և Հայաստանի Հանրապետության հարկային օրենսգրքով նախատեսված պատասխանատվության:

2. Փաստաբանի մասնակցությամբ քրեական, վարչական կամ քաղաքացիական գործով ի վնաս փաստաբանի վստահորդի ընդունված դատական ակտն ինքնին չի առաջացնում փաստաբանի կարգապահական պատասխանատվություն:

(39-րդ հոդվածը փոփ., լրաց. 21.06.14 ՀՕ-121-Ն, խմբ. 18.01.22 ՀՕ-18-Ն)

(18.01.22 ՀՕ-18-Ն օրենքն ունի անցումային դրույթ)