Հոդված 43. Ուղղիչ աշխատանքների ժամկետը հաշվարկելը
Հոդված 43. Ուղղիչ աշխատանքների ժամկետը հաշվարկելը
1. Ուղղիչ աշխատանքների ժամկետը հաշվարկվում է ըստ ամիսների և տարիների, որոնց ընթացքում դատապարտյալն աշխատել է, և նրա աշխատավարձից կատարվել են պահումներ՝ դատավճռով սահմանված չափով:
2. Ուղղիչ աշխատանքների ձևով պատիժը կրելու ժամկետի սկիզբ է համարվում դատապարտյալի աշխատանքի վայրի վարչակազմի կողմից քրեակատարողական տեսչությունից դատավճռի կամ որոշման պատճենը և այլ փաստաթղթեր ստանալու օրը:
3. Ուղղիչ աշխատանքների ձևով պատիժը կրելու ժամկետին հաշվակցվում է այն ժամանակը, որի ընթացքում դատապարտյալը չի աշխատել հարգելի պատճառներով, և նրա աշխատավարձը պահպանվել է: Պատժի ժամկետին չի հաշվակցվում այն ժամանակը, որի ընթացքում դատապարտյալն անհարգելի բացակայելու հետևանքով չի ստացել սահմանված աշխատավարձը կամ ստացել է մասնակիորեն:
4. Դատապարտյալի՝ պատիժը կրելուն խոչընդոտող ծանր հիվանդությամբ հիվանդանալու, ինչպես նաև հղիության դեպքում քրեակատարողական տեսչությունը միջնորդություն է ներկայացնում դատարան՝ նրան պատժից ազատելու կամ պատժի կրումը հետաձգելու նպատակով: