Հոդված 9. Օզոնային շերտը քայքայող նյութերի ներմուծումը, արտահանումը և տարանցիկ փոխադրումը

Հոդված 9. Օզոնային շերտը քայքայող նյութերի ներմուծումը, արտահանումը և տարանցիկ փոխադրումը

1. Մաքսային մարմիններն օզոնային շերտը քայքայող նյութերի ներմուծումը, արտահանումը և տարանցիկ փոխադրումը թույլատրում են Հայաստանի Հանրապետության կառավարության հաստատած ձևի և տրամադրման կարգի հիման վրա ստացած առաքման թույլտվության առկայության դեպքում:

2. Օզոնային շերտը քայքայող նյութերի ներմուծման, արտահանման և տարանցիկ փոխադրման մասին մաքսային մարմինները տեղեկատվություն են ներկայացնում լիազոր պետական մարմնին տվյալ գործարքի իրականացման ավարտից հետո` մեկամսյա ժամկետում, որը ներառում է`

1) ներմուծման կամ արտահանման կամ տարանցիկ փոխադրման մասին տվյալները.

2) ներմուծված կամ արտահանված կամ տարանցիկ փոխադրման ենթարկված օզոնային շերտը քայքայող նյութերի քանակները և իրականացված գործարքի ժամանակահատվածը.

3) արտահանման և ներմուծման երկրների անվանումները: