ՀՀ ՕՐԵՆՔԸ ՄԻՋԱԶԳԱՅԻՆ ԻՐԱՎԱԿԱՆ ՀԱՐՑԵՐՈՎ ՆԵՐԿԱՅԱՑՈՒՑՉԻ ՄԱՍԻՆ

Հոդված 1. Օրենքի կարգավորման առարկան

Սույն օրենքով սահմանվում են Միջազգային իրավական հարցերով ներկայացուցչի (այսուհետ՝ Ներկայացուցիչ) կարգավիճակը, լիազորությունների շրջանակը, նշանակման կարգը, Ներկայացուցչի գրասենյակի (այսուհետ՝ Գրասենյակ) կարգավիճակը, ինչպես նաև դրանց հետ կապված այլ հարաբերություններ:

2․ Սույն օրենքի իմաստով՝ Ներկայացուցչի գործունեությունն ընդգրկում է՝

1) Մարդու իրավունքների եվրոպական դատարանը (այսուհետ՝ Եվրոպական դատարան).

2) Արդարադատության միջազգային դատարանը.

3) միջազգային արբիտրաժը.

4) հաշտարարությունը.

5) օտարերկրյա դատարանները:

(1-ին հոդվածը փոփ., լրաց. 16.12.21 ՀՕ-414-Ն)

(16.12.21 ՀՕ-414-Ն օրենքն ունի եզրափակիչ մաս և անցումային դրույթներ)