Հոդված 5. Բուսասանիտարիայի ոլորտում Կառավարության լիազորությունները

Հոդված 5. Բուսասանիտարիայի ոլորտում Կառավարության լիազորությունները

(վերնագիրը փոփ. 23.03.18 ՀՕ-287-Ն)

1. Բուսասանիտարիայի ոլորտում Կառավարության լիազորություններն են`

1) ոլորտում իրականացվող նպատակային ծրագրերի հաստատումը.

2) բուսասանիտարիայի միջազգային համագործակցության պետական ծրագրերի հաստատումը.

3) պեստիցիդների և ագրոքիմիկատների պետական գրանցման, վերագրանցման և գրանցումից հանելու կարգի սահմանումը.

3.1) Կառավարության սահմանած կարգին համապատասխան՝ հանրային առողջության և շրջակա միջավայրի պահպանության նպատակով արգելված պեստիցիդների կամ դրանց ազդող նյութերի, համագործիչ կամ օժանդակ նյութերի և ագրոքիմիկատների կամ դրանց բաղադրիչ նյութերի ցանկի հաստատումը.

4) (կետն ուժը կորցրել է 15.11.24 ՀՕ-460-Ն)

5) պեստիցիդների և ագրոքիմիկատների փորձաքննության անցկացման կարգի և պեստիցիդների և ագրոքիմիկատների ներմուծման կամ արտահանման եզրակացության ձևերի սահմանումը.

6) բույսերի կարանտինի սահմանումը և կարանտինի չեղյալ հայտարարումը.

7) պեստիցիդների և ագրոքիմիկատների արտադրությանը և շրջանառությանը ներկայացվող պահանջների սահմանումը.

8) պեստիցիդի և ագրոքիմիկատի փաթեթավորմանը ներկայացվող պահանջների սահմանումը.

8.1) բուսասանիտարական փորձաքննության նպատակով փորձանմուշ վերցնելու կարգի սահմանումը.

8.2) բուսաբուծության ոլորտում աշխատանքի անվտանգության կանոնների հաստատումը.

9) սույն օրենքից բխող իրավական այլ ակտերի ընդունումը:

(5-րդ հոդվածը փոփ. 17.12.14 ՀՕ-240-Ն, 23.03.18 ՀՕ-287-Ն, լրաց. 07.07.22 ՀՕ-310-Ն, փոփ., լրաց. 15.11.24 ՀՕ-460-Ն, լրաց. 03.07.26 ՀՕ-307-Ն)

(15.11.24 ՀՕ-460-Ն օրենքն ունի անցումային դրույթ)