Հոդված 15

Հոդված 15.

ՀԳՄ-ների պարտականությունները

(վերնագիրը փոփ. 24.05.23 ՀՕ-178-Ն)

1. ՀԳՄ-ները պարտավոր են`

1) պատշաճ կերպով պահպանել հավատարմագրման կանոնները և կատարել ԱՐՄՆԱԲ-ի հետ կնքած պայմանագրով ամրագրված պարտավորությունները, սույն օրենքով և ՀԳՄ-ների գործունեությունը կարգավորող այլ իրավական ակտերով, ինչպես նաև Հայաստանի Հանրապետության օրենսդրությամբ սահմանված կարգով վավերացված Հայաստանի Հանրապետության միջազգային պայմանագրերին համապատասխան ընդունված փաստաթղթերով սահմանված պարտականությունները.

2) ԱՐՄՆԱԲ-ի և ՀԳՄ-ի միջև կնքված պայմանագրի հիման վրա կատարել սույն օրենքի 7-րդ հոդվածի 1-ին մասի 5.1-ին կետով սահմանված վճարները.

3) մշտապես համապատասխանել այն ստանդարտների, նորմատիվ փաստաթղթերի և իրավական ակտերի պահանջներին, որոնց համաձայն նրանք հավատարմագրվել են.

4) վկայակոչել հավատարմագրումը և կիրառել հավատարմագրման նշանը միայն հավատարմագրված ոլորտում և հավատարմագրման վկայագրի գործողության ընթացքում.

5) հավատարմագրման դադարեցման դեպքում ԱՐՄՆԱԲ վերադարձնել հավատարմագրման վկայագրի բնօրինակը.

6) համագործակցել ԱՐՄՆԱԲ-ի հետ` հավատարմագրված համապատասխանության գնահատման գործունեության վերաբերյալ բողոքներն ուսումնասիրելու նպատակով.

7) ԱՐՄՆԱԲ-ին տրամադրել տեղեկատվություն համապատասխանության գնահատման աշխատանքների վերաբերյալ.

8) Հայաստանի Հանրապետությունում համապատասխանության գնահատման գործունեություն իրականացնելու նպատակով հավատարմագրման համար դիմել միայն ԱՐՄՆԱԲ-ին` հաշվի առնելով հավատարմագրման տարածաշրջանային և միջազգային կազմակերպությունների պահանջները:

(15-րդ հոդվածը խմբ., լրաց. 17.12.14 ՀՕ-236-Ն, փոփ., լրաց. 24.05.23 ՀՕ-178-Ն)

(24.05.23 ՀՕ-178-Ն օրենքն ունի անցումային դրույթ)