Հոդված 22. Հասարակական կազմակերպության իրավունքները

Հոդված 22. Հասարակական կազմակերպության իրավունքները

Հասարակական կազմակերպությունը, իր կանոնադրությամբ նախատեսված նպատակները և խնդիրներն իրականացնելու համար, օրենքով սահմանված կարգով իրավունք ունի`

1) տեղեկատվություն տարածել իր գործունեության մասին.

2) հիմնադրել լրատվության միջոցներ.

3) կազմակերպել խաղաղ, առանց զենքի ժողովներ, հանրահավաքներ, երթեր և ցույցեր.

4) ներկայացնել և պաշտպանել իր և իր անդամների իրավունքները և օրինական շահերը այլ հասարակական կազմակերպություններում, դատարանում, պետական և տեղական ինքնակառավարման մարմիններում.

5) իրականացնել ձեռնարկատիրական գործունեություն` իր կողմից հիմնադրված ձեռնարկությունների միջոցով:

Հասարակական կազմակերպությունն իրավունք ունի իրականացնել կանոնադրությամբ նախատեսված և օրենքներով չարգելված այլ գործունեություն: