Հոդված 1. Անհատական (ընտանեկան) ձեռնարկություն
Հոդված 1. Անհատական (ընտանեկան) ձեռնարկություն
Անհատական է կոչվում այն ձեռնարկությունը, որը մեկ ֆիզիկական անձի սեփականությունն է:
Ընտանեկան է կոչվում այն ձեռնարկությունը, որը համատեղ սեփականության իրավունքով պատկանում է ընտանիքի անդամներին:
Անհատական (ընտանեկան) ձեռնարկությունն իրավական անձի կարգավիճակ չունեցող ձեռնարկություն է:
Հայաստանի Հանրապետությունում անհատական (ընտանեկան) ձեռնարկություն կարող են հիմնել Հայաստանի Հանրապետության քաղաքացիները, օտարերկրյա քաղաքացիները, ինչպես նաև քաղաքացիություն չունեցող այն անձինք, որոնց տնտեսական գործունեությամբ զբաղվելու իրավունքը սահմանափակված չէ Հայաստանի Հանրապետության օրենսդրությամբ:
Անհատական (ընտանեկան) ձեռնարկության անվանման մեջ պետք է նշվի սեփականատիրոջ (սեփականատերերի) անունը:
Անհատական (ընտանեկան) ձեռնարկության սեփականատերը (սեփականատերերը) չի կարող միաժամանակ հանդիսանալ անհատ ձեռներեց (ձեռներեցներ) կամ անհատական (ընտանեկան) այլ ձեռնարկության (սեփականատեր), տնտեսական ընկերակցության լիակատար պատասխանատվությամբ անդամ (անդամներ):