Հոդված 1
Հոդված 1
1. Սույն Համաձայնագրի նպատակն է խորացնել և ամրապնդել ոստիկանական համագործակցությունը հանցագործությունների կանխարգելման, բացահայտման և հանցագործություն կատարած անձանց պարզելու ուղղությամբ, մասնավորապես՝ ինչպես ռազմավարական և գործառնական տեղեկատվության փոխանակման, այնպես էլ բոլոր համապատասխան մակարդակների իրավասու մարմինների միջև անմիջական շփումների միջոցով։ Սույն Համաձայնագիրը չի ներառում իրավական աջակցություն այն քրեական գործերով, որոնք կարգավորվում են հատուկ համաձայնագրով, որով Կողմերի Պետությունները պարտավորություններ ունեն։
2. Սույն Համաձայնագրով սահմանվող համագործակցությունը կիրականացվի Կողմերի Պետությունների օրենսդրության և այն միջազգային պայմանագրերով, որոնցով Կողմերի Պետությունները պարտավորություններ ունեն։