Հոդված 19. Մարտական ծառայության մեդալը

Հոդված 19. Մարտական ծառայության մեդալը

1. Մարտական ծառայության մեդալը շնորհվում է մարտական առաջադրանքների կատարմանը նպաստող հմուտ, նախաձեռնող, համարձակ գործողությունների, զորքերի մարտական պատրաստվածության ապահովման, պետության սահմանները պաշտպանելիս ցուցաբերած ծառայությունների համար։

2. Մարտական ծառայության մեդալով պարգևատրվում են Հայաստանի Հանրապետության զինված ուժերի և այլ զորքերի զինծառայողները, ազգային անվտանգության, ներքին գործերի նախարարության փրկարար ծառայության և ոստիկանության ծառայողները, ինչպես նաև այլ անձինք:

(19-րդ հոդվածը փոփ. 24.10.24 ՀՕ-440-Ն)