Հոդված 20. Չափագիտական վերահսկողության նպատակները և խնդիրները

Հոդված 20. Չափագիտական վերահսկողության նպատակները և խնդիրները

(վերնագիրը խմբ. 13.11.25 ՀՕ-374-Ն)

1. Չափագիտական վերահսկողության նպատակներն են սույն օրենքով, Հայաստանի Հանրապետության վավերացրած միջազգային պայմանագրերով և այլ իրավական ակտերով սահմանված չափագիտական կանոնների և նորմերի խախտումների կանխարգելումը և դրանց բացահայտումն ու վերացումը։

2. Չափագիտական վերահսկողությունը տարածվում է սույն օրենքի 10-րդ հոդվածի 1-ին մասի 7-րդ կետով սահմանված օրենսդրական չափագիտության տարածման ոլորտների, ինչպես նաև սույն օրենքի 10-րդ հոդվածի 1-ին մասի 1-ին, 4-րդ, 5-րդ և 6-րդ կետերով սահմանված պահանջների վրա:

3. Չափագիտական վերահսկողության խնդիրներն են`

1) տեսակը հաստատված և ստուգաչափված չափման միջոցների կիրառումը.

2) չափումների կատարման վկայագրված մեթոդիկայի (մեթոդի) առկայությունը.

3) չափագիտության ոլորտում գործող նորմատիվ իրավական ակտերի պահանջների պահպանումը:

(20-րդ հոդվածը խմբ. 01.03.17 ՀՕ-76-Ն, 26.05.21 ՀՕ-230-Ն, խմբ., փոփ. 13.11.25 ՀՕ-374-Ն)