Հոդված 8
Հոդված 8.
Հաստատել 1996 թվականի բյուջետային տարում տեղական բյուջեներին, որպես, սեփական եկամուտներ' 100 տոկոսով ամրագրվող հարկերը, տուրքերն ու վճարները հետևյալ ցանկով`
ա) հողի հարկ.
բ) քաղաքացիական կացություն գրանցող մարմինների և նոտարական գրասենյակների կողմից մատուցվող ծառայությունների դիմաց գանձվող պետական տուրքեր.
գ) պետական սեփականություն հանդիսացող հողերի (պահուստային հողերի) վարձակալության դիմաց գանձվող վարձավճարներ և արոտավայրերի օգտագործման դիմաց վճարներ.
դ) տեղական մարմինների սեփականություն հանդիսացող գույքի վարձակալության դիմաց գանձվող վարձավճարներ.
ե) վարչական իրավախախտումների համար տեղական գործադիր մարմինների կողմից գանձվող տուգանքներ.
զ) տիրազուրկ և ժառանգության իրավունքով պետության (տեղական մարմնի) տնօրինմանն անցած գույքի իրացումից եկամուտներ.
է) այլ գանձույթներ ու զանազան ոչ հարկային եկամուտներ:
Սույն հոդվածով նախատեսված տուրքերը Արարատի, Արմավիրի մարզերում տեղաբաշխված քաղաքների և գյուղերի տեղական բյուջեների գծով ամբողջությամբ հաշվանցվում են հանրապետական բյուջե: